సోగ్గాడి నాలుగో పిట్ట అనసూయ

కింగ్‌ నాగార్జున ద్విపాత్రాభినయంలో నటిస్తున్న చిత్రం ‘సోగ్గాడే చిన్ని నాయనా’.  ఈ సినిమాలో నాగార్జున, రమ్యకృష్ణలు ఒక జంటగా, మరో జంట యంగ్ నాగార్జునకు  లావణ్య త్రిపాఠి నటిస్తోంది. అయితే ఇందులో హంసా నందినితోనూ, అనసూయతోనూ చిందులేస్తూ కనిపిస్తున్నాడు నాగార్జున. అంటే... సోగ్గాడే చిన్ని నాయనా... నాలుగు పిట్టల్ని పట్టాడే సోగ్గాడూ... అని పాడుకోవచ్చన్న మాట... యాంకర్ అనసూయ అంతకు ముందు పవన్ కళ్యాన్ తో అత్తారింటికి దారేదిలో ఐటమ్ సాంగ్ చేస్తుందన్న టాక్ వినిపించింది.  కానీ ఇప్పుడు నాగార్జునతో ఆమె రెచ్చిపోయి డాన్స్ చేసేస్తుంది. పవన్ తో మిస్ అయిన అవకాశం నాగార్జునతో వచ్చిందన్న మాట. 
ఈ చిత్రానికి సంబంధించిన మైసూర్‌ షెడ్యూల్‌ పూర్తయింది. దీంతో టోటల్‌గా షూటింగ్‌ పూర్తయింది. ఇటీవల మైసూర్‌లో భారీ షెడ్యూల్‌ పూర్తి చేసింది ఈ చిత్ర బృందం. ఈ చిత్రానికి సంబంధించిన షూటింగ్‌ టోటల్ గా పూర్తయింది. ప్రస్తుతం పోస్ట్‌ ప్రొడక్షన్‌ వర్క్‌ జరుగుతోంది. అతి త్వరలో విడుదల చేసేందుకు సన్నాహాలు చేస్తున్నారు. 
నాగార్జున, రమ్యకృష్ణ, లావణ్య త్రిపాఠి, నాజర్‌, బ్రహ్మానందం, సంపత్‌,నాగబాబు, సప్తగిరి, పోసాని కృష్ణమురళి, హంసానందిని, యాంకర్‌ అనసూయ, దీక్షా పంత్‌, బెనర్జీ, సురేఖా వాణి, దువ్వాసి మోహన్‌, రామరాజు తదితరులు ముఖ్యపాత్రలు పోషిస్తున్న ఈ చిత్రానికి కథ: పి.రామ్మోహన్‌, స్క్రీన్‌ప్లే: సత్యానంద్‌, సినిమాటోగ్రఫీ: పి.ఎస్‌.వినోద్‌, సిద్ధార్థ్‌ రామస్వామి, సంగీతం: అనూప్‌ రూబెన్స్‌, ఎడిటింగ్‌: ప్రవీణ్‌ పూడి, నిర్మాత: అక్కినేని నాగార్జున, మాటలు-దర్శకత్వం: కళ్యాణ్‌కృష్ణ.