కోటీశ్వరుడి కోసం నాగ్ తిప్పలు

నాగార్జున సారధ్యంలో వస్తున్న ‘మీలో ఎవరు కోటీశ్వరుడు’ షోకు ఇంతకుముందున్నంత ఆదరణ కనిపించడం లేదు. ఈ షోకు రేటింగ్స్ పెంచడం కోసం ఎన్నో విధాలుగా ప్రయతిస్తున్నాడు నాగార్జున. టాలీవుడ్ స్టార్స్ ను చాలా మందినే షోకు రప్పించి ఎట్రాక్టివ్ చేస్తున్నాడు ఆడియన్స్ ను. ఈ షో మొదటి సిరీస్ లో కూడా ప్రముఖులెందరినో రప్పించారు. చివరి ఎపిసోడ్ లో చిరంజీవిని తీసుకువచ్చి షో ను హైలెట్ చేశారు. ప్రస్తుతం నడుస్తున్న సిరీస్ లో ఓ ఎపిసోడ్ కు చిరు తనయుడు రామ్ చరణ్ ను అతిధిగా పిలిచినట్టు వార్తలు వస్తున్నాయి. ఎంఈకేతో తాను బాగా ఎంజాయ్ చేసినట్టు రామ్ చరణ్ తన సన్నిహితుల వద్ద అన్నట్టు తెలుస్తోంది. అంతేకాదు నాగార్జునతో ఇంతకు ముందెప్పుడూ తను ఎక్కడా మాట్లాడని ఆసక్తికర అంశాలు ఈ ఎపిసోడ్ లో మాట్లాడానని చెప్పుకున్నాడట. ఈ షూటింగ్ చూసిన వారు కూడా అదే విషయాన్ని చెబుతున్నారు. నాగార్జున కు పరిచయమున్న అందరినీ ఈ షోకు రప్పించి రకరకాల ప్రశ్నలతో వాళ్ళ మనసు ఓపెన్ చేసి ఆడియన్స్ లో ఈ షో పట్ల క్రేజ్ పెరిగేలా చేస్తున్నారు. అలాగే సానియా మీర్జా లాంటి స్పోర్ట్స్ సెలెబ్రెటీ నుండి ప్రముఖ మోడల్ శిల్పా రెడ్డి వరకు అనేక మంది సెలెబ్రెటీలతో త్వరలో ప్రసారం కానున్న నాగార్జున ‘మీలో ఎవరు కోటీశ్వరుడు’ షో మంచి సందడి చేయబోతోందని తెలుస్తోంది. ఈ విధంగానైనా నాగార్జున ఎంఈకే కు రేటింగ్ పెరుగుతుందేమో చూద్దాం...