పటాస్ తో పెద్ద హిట్ కొట్టిన నందమూరి కళ్యాణ్ రాం మళ్ళీ ‘షేర్’గా దాడి చేయడానికి సిద్ధమయ్యాడు. సాయి నిహారిక, శరత్‌చంద్‌ సమర్పణలో విజయలక్ష్మీ పిక్చర్స్‌ పతాకంపై మల్లికార్జున్‌ దర్శకత్వంలో కొమర వెంకటేష్‌ నిర్మిస్తున్నారీ చిత్రాన్ని. యాక్షన్‌ ఎంటర్‌టైనర్‌ గా రూపొందించిన 'షేర్' సినిమా అక్టోబర్ 30న ప్రపంచ వ్యాప్తంగా రిలీజ్ చేసేందుకు ప్లాన్ చేస్తున్నారు. ఈ చిత్రం ఆడియోను అక్టోబర్ 10న విడుదల చేస్తున్నట్టు నిర్మాత కొమర వెంకటేష్‌ తెలిపారు. ఈ సందర్భంగా ఆయన మాట్లాడుతూ - ''మా సినిమాకి సంబంధించిన షూటింగ్‌ పార్ట్‌ టోటల్‌గా కంప్లీట్‌ అయింది. ప్రస్తుతం పోస్ట్‌ ప్రొడక్షన్‌ వర్క్‌ జరుగుతోంది. అన్ని కార్యక్రమాలు పూర్తి చేసి అక్టోబర్ 30న వరల్డ్‌వైడ్‌గా విడుదల చేస్తున్నాం’’ అన్నారు. దర్శకుడు మల్లికార్జున్‌ మాట్లాడుతూ - ''అన్నివర్గాల ప్రేక్షకుల్ని ఆకట్టుకునే కమర్షియల్‌ ఎలిమెంట్స్‌తో రూపొందిన ఈ చిత్రం కళ్యాణ్‌రామ్‌గారి కెరీర్‌లో మరో సెన్సేషనల్‌ మూవీ అవుతుంది. ఈ చిత్రంలో కళ్యాణ్‌రామ్‌గారి పెర్‌ఫార్మెన్స్‌ చాలా ఎక్స్‌ట్రార్డినరీగా వుంటుంది. థమన్‌ సూపర్‌హిట్‌ సాంగ్స్‌ని చేశారు. ఆడియో కూడా పెద్ద హిట్ అవుతుంది'' అన్నారు. డైనమిక్‌ హీరో నందమూరి కళ్యాణ్‌రామ్‌, సోనాల్‌చౌహాన్‌ జంటగా నటిస్తున్న ఈ చిత్రంలో బ్రహ్మానందం, రావు రమేష్‌, రోహిణి, షాయాజీ షిండే, ఆలీ, ఎం.ఎస్‌.నారాయణ, ముఖేష్‌ రుషి, ఆశిష్‌ విద్యార్థి తదితరులు నటిస్తున్నారు.
.jpg)
