శ్రీసాయి జగపతి పిక్చర్స్, సంతోష్ ప్రొడక్షన్స్ సంస్థలు సంయుక్తంగా నిర్మించిన చిత్రం ‘దాన వీర శూర కర్ణ' (బాలల). ఈ చిత్రానికి జే.వి.ఆర్ దర్శకులు కాగా, సి.హెచ్ వెంకటేశ్వరరావు, జె.బాలరాజులు నిర్మాతలుగా వ్యవహరించారు. స్వర్గీయ నందమూరి జానకీరామ్ కుమారులు మాస్టర్ నందమూరి తారక రామారావు, సౌమిత్రి ఈ చిత్రం ద్వారా బాల నటులుగా పరిచయం అవుతున్నారు. ఇప్పటికే నందమూరి ఫ్యామిలీలో సినీయర్, జూనియర్ ఎన్టీఆర్ ఉన్నారు. ఇప్పుడు ఈ బాల ఎన్టీఆర్ కూడా టోలీవుడ్ కు పరిచయం చేస్తోంది నందమూరి ఫ్యామిలీ. ఈ చిత్రానికి కౌసల్య సంగీతం అందించారు. దానవీర శూర కర్ణ ఆడియో వేడుక బుధవారం సాయంత్రం హైదరాబాద్ లోని తాజ్ బంజారాలో ఘనంగా నిర్వహించారు. ఈ కార్యక్రమానికి జూ ఎన్టీఆర్, నందమూరి కళ్యాణ్ రామ్ ఆడియో సీడీలను, థియేట్రికల్ ట్రైలర్ ఆవిశష్కరించారు. ఈ కార్యక్రమంలో మాస్టర్ ఎన్టీఆర్, మాస్టర్ సౌమిత్రి, విజయ్ రామారావు, పరుచూరి గోపాల కృష్ణ, సి కళ్యాణ్, కెఎస్ రామారావు, కొడాలి వెంకటేశ్వరరావు, బాబు మోహన్, తుమ్మలపల్లి సత్యనారాయణ, ఆర్ పి పట్నాయక్, వందేమాతరం శ్రీనివాస్, కౌసల్య తదితరులు పాల్గొన్నారు. ఈ సందర్భంగా నందమూరి కళ్యాణ్ రామ్ మాట్లాడుతూ ‘‘ఏ జన్మలో చేసుకున్న పుణ్యమో నందమూరి వంశంలో పుట్టాం. మమ్మల్ని ఆదరిస్తున్న ప్రేక్షకులు, దర్శక నిర్మాతలకు థ్యాంక్స్, మమ్మల్ని ఆదరించినట్లే బాల ఎన్టీఆర్, సౌమిత్రిలను ఆదరించాలని కోరుకుంటున్నాను. పిల్లలతో ఇంత గొప్ప సినిమా తీసిన దర్శక నిర్మాతలను అభినందిస్తున్నాను’’ అన్నారు. జూనియర్ ఎన్టీఆర్ మాట్లాడుతూ "ఈరోజు ఎంతో గర్వంగా ఉంది. మా తాతగారి తరువాత వచ్చిన మా కుటుంబ సభ్యులంతా బాల నటులుగా వెండితెరకు పరిచయమయ్యాం. మా వంశం నుండి వస్తున్న నాలుగో తరం వారు కూడా బాల నటులుగా పరిచయం కానుండడం సంతోషంగా ఉంది. ఇలాంటి అరుదైన అవకాశాన్ని అందించిన నిర్మాతలకు నా ధన్యవాదాలు. పిల్లలతో చిత్రాన్ని తెరకెక్కించడం చాలా కష్టం. వారి కష్టానికి తగిన ఫలితం ఖచ్చితంగా వస్తుంది" అని తెలిపారు.
మాస్టర్ ఎన్టీఆర్ మాట్లాడుతూ "అందరికి నా ధన్యవాదాలు. సినిమాను చూసి సక్సెస్ చేస్తారని ఆశిస్తున్నాను" అని చెప్పారు.
సి.హెచ్.వెంకటేశ్వరరావు మాట్లాడుతూ "ఇలాంటి సినిమాను బాల నటీనటులతో చేయడం సాహస కార్యం. ఈ చిత్రంలో నటించిన బాలలలో కొంత మందికి మంచి భవిష్యతు ఉంటుంది. ఎమ్మెస్ రెడ్డి గారు తీసిన బాల రామాయణాన్ని స్పూర్తిగా తీసుకొని ఈ సినిమా తీసాం. నందమూరి నతవారసులు మా చిత్రంతో పరిచయం అవుతుండడం సంతోషంగా ఉంది. కౌసల్య, వందేమాతరం మంచి మ్యూజిక్ అందించారు. నాకు ఎంతగానో సహకరించిన టెక్నీషియన్స్ అందరికి నా ధన్యవాదాలు" అని చెప్పారు.
జె.బాలరాజు మాట్లాడుతూ ''ఒకప్పటి దాన వీర శూర కర్ణ ఎంతటి ఘన విజయం సాధించిందో అందరికీ తెలిసిందే. ఆ సినిమా పేరు పోగొట్టకుండా అన్ని జాగ్రత్తలు తీసుకొని ఈ చిత్రాన్ని తెరకెక్కిస్తాం. కేవలం 1116 రెమ్యునరేషన్ గా తీసుకొని నందమూరి వారసులు మా చిత్రంలో నటించారు. వారు అంగీకరిస్తే 'మాయాబజార్' చిత్రం చేయాలనుంది" అని తెలిపారు.
కౌసల్య మాట్లాడుతూ "ఇలాంటి ఓ మహత్తర కార్యమైన సినిమాను పిల్లలతో తీయడం దానికి నేను సంగీతం అందించడం సంతోషంగా ఉంది. ఈ అవకాసం ఇచ్చిన అందరికీ నా ధన్యవాదాలు" అని తెలిపారు.
కె.ఎస్.రామారావు మాట్లాడుతూ "ఇదొక గొప్ప సబ్జెక్ట్. దీనిని తెరకెక్కించడానికి ఎంతో అవగాహన కావాలి. జె.వి.ఆర్ చిత్రీకరిస్తున్నాడని తెలిసి చాలా సంతోషపడ్డాను. ఇలాంటి సినిమాను బాల నటీనటులతో చేయడం సాహస కార్యం. ఈ చిత్రంతో నందమూరి వారి నాలుగో తరం నటవారసులను పరిచయం చేయడం ఆనందకరమైన విషయం" అని అన్నారు.
సి.కళ్యాన్ మాట్లాడుతూ "రఘుపతి వెంకటేశ్వరావు గారు దర్శకత్వం వహిస్తున్నారంటే మామూలు విషయం కాదు. కృషి, పట్టుదల ఉన్న మనిషి. ఈ చిత్రంతో ఇంకా ఎన్నో పౌరాణిక చిత్రాలను ఆయన నిర్మించాలని కోరుకుంటున్నాను" అని చెప్పారు.
పరుచూరి గోపాలకృష్ణ మాట్లాడుతూ "సీనియర్ ఎన్టీఆర్ డైలాగ్స్ వింటూ పెరిగాం. అలాంటిది ఆయన సినిమాకి రచయితగా పని చేసినందుకు చాలా గర్వంగా ఉండేది. వారి కుటుంబానికి చెందిన మాస్టర్ ఎన్టీఆర్, సౌమిత్ర పౌరాణిక చిత్రంతో తెలుగు ప్రేక్షకుల ముందుకు రావడం సంతోషంగా ఉంది. మాస్టర్ ఎన్టీఆర్ ను చూస్తుంటే హరికృష్ణ గారు గుర్తొస్తున్నారు" అని చెప్పారు.
కొడాలి వెంకటేశ్వరావు మాట్లాడుతూ "ఈ చిత్రం పాటలు, ట్రైలర్ చూస్తుంటే ఎమ్మెస్ రద్దీ గారి రామాయణం గుర్తొస్తుంది. ఆనాడు రామాయణం ఎంత పెద్ద హిట్ అయిందో ఈ సినిమా కూడా అంత పెద్ద హిట్ అవ్వాలి. ఈ చిత్రంతో ప్రొడ్యూసర్స్ కు మంచి లాబాలు రావాలని కోరుకుంటున్నా" అని చెప్పారు.
సి.రామ చంద్రారెడ్డి మాట్లాడుతూ "పురాణాలను, సంప్రదాయాలను మరచిపోతున్న ఈ రోజుల్లో ఇలాంటి ఓ పౌరాణిక చిత్రాన్ని ప్రేక్షకులకు అందివ్వడం సంతోషంగా ఉంది. సినిమా మంచి సక్సెస్ ను సాధించి అందరికి మంచి పేరు తీసుకురావాలి" అని అన్నారు.
ఆర్.పి.పట్నాయక్ మాట్లాడుతూ "నా సినిమాతో సింగర్ గా పరిచయమయిన కౌసల్య ఈ చిత్రంతో మ్యూజిక్ డైరెక్టర్ గా పరిచయమవ్వడం సంతోషంగా ఉంది. సాంగ్స్ చాలా బాగున్నాయి" అని అన్నారు.
కాజా సూర్యనారాయణ నిర్మాణ నిర్వహకుడిగా వ్యవహిరిస్తున్న ఈ చిత్రంలో జయంత్‌ సాయి, యశ్వంత్‌, దిలీప్‌తేజ, శ్యామ్‌గోపాల్‌, కారుణ్య, భార్గవి, యామిని, సాహిత్య, విజ్జు, అభిరామ్‌, చందన్‌, గణేష్‌, దినేష్‌, లోహిత తదితర బాలురు ఇతర ముఖ్యపాత్రలు పోషించారు.
.jpg)
