నందమూరి వారి సినిమా రెడీ అవుతోంది...

‘మనం’ సినిమా చూశాక... ఇంకా సినిమా పరిశ్రమలో ఇలాంటి వంశ వారసులు చాలా మందే ఉన్నారు కదా... వారు కూడా ఇలా కుటుంబ చిత్రాలు తీస్తే బాగుంటుందన్న ఆలోచన పరిశ్రమలోనే కాదు... ప్రేక్షకులకూ వచ్చింది. ఇలా వారసులు మొత్తం కలిసి మంచు వారు ‘పాండవులు పాండవులు తుమ్మెదా’ అనే సినిమా తీశారు. ఇందులో మంచు లక్ష్మి, నిరవణన, విష్ణు కూతుర్లు అరియానా, వివియానాలతో సహా మరో సినిమా తీస్తే బాగుంటుంది. అలాగే ఇంకా నందమూరి వారు, దగ్గుబాటి వారు, కొణిజేటి వారు కూడా సినిమాలు నిర్మించాల్సి ఉంది. వీరు కూడా కుటుంబం మొత్తం నటించి అభిమానులకు కనువిందు చేస్తారని ఎదురు చూస్తున్నారు.

నందమూరి వారు అదే ప్లాన్ లో ఉన్నారిప్పుడు. ప్రస్తుతం ఎన్టీఆర్ హీరోగా సుకుమార్ దర్శకత్వం లో రూపొందుతున్న చిత్రం షూటింగ్ జూలై మొదటి వారం నుండి లండన్ లో షూటింగ్ జరగనున్నట్టు తెలిసింది. అయితే ఈ సినిమా తరువాత ఎన్టిఆర్ హీరోగా ఓ మల్టీస్టారర్ సినిమాకు సన్నాహాలు చేస్తున్నాడు. నందమూరి కళ్యాణ్ రామ్ తో కలిసి ఈ సినిమా చేయాలనే ప్లాన్ లో ఉన్నాడు. ఇప్పటికే ఈ సినిమాకు సన్నాహాలు మొదలయ్యాయి. ఈ సినిమాతో రచయిత అయిన వక్కంతం వంశి దర్శకుడిగా మారనున్నాడు. ఇప్పటికే వంశీ స్క్రిప్ట్ ను కుడా రెడీ చేసాడని సమాచారం. అన్నట్టు ఈ చిత్రాన్ని నందమూరి కళ్యాణ్ రామ్ నిర్మిస్తాడట ! సో ఇద్దరు నందమూరి బ్రదర్స్ కలిసి నటిస్తున్న ఈ సినిమా నందమూరి అభిమానులకు పండగ చేయనున్నదన్నమాట.