రజనీకాంత్ సీక్రెట్ ను చెప్పేశాడు

లింగ అట్టర్ ఫ్లాప్ కావటంతో ఫ్యాన్స్ కన్నా ఎక్కువ నిరాశలో ఉన్నాడు సూపర్ స్టార్ రజనీకాంత్. భారీ బడ్జెట్ తో, భారీ అంచనాలతో వచ్చిన ఆ చిత్రం అంచనాలు అందుకోకపోగా, నిర్మాతలకు భారీగానే నష్టాలు మిగిల్చింది. అంతేకాదు డిస్ట్రిబ్యూటర్ లు అయితే ఏకంగా రజనీ ఇంటి ముందు ఆత్మాహుతి చేసుకునేందుకు సిద్ధమైపోయారు. ఆ తలనొప్పి బయటపడేందుకు రజనీకి చాలా కాలమే పట్టింది.  అందుకే తన తదుపరి చిత్ర విషయంలో అలాంటి తప్పులేం దొర్లకుండా జాగ్రత్త పడుతున్నాడు రజనీ.

అట్టకత్తి,  మద్రాస్ లాంటి హిట్ చిత్రాలు అందించిన రంజిత్ తో చిత్రానికి గ్రీన్ సిగ్నల్ ఇచ్చాడు. ఓ యువదర్శకుడికి అందులో పెద్దగా అనుభవం లేని దర్శకుడికి రజనీతో ఆఫర్ అంటే మాటలా? అందుకే రంజిత్ కూడా చాలా ఆచీతూచి వ్యవహారిస్తున్నాడట. కథ, స్ర్కీన్ ప్లే విషయంలో చాలా జాగ్రత్తగా ఉండాలని రంజిత్ కి రజనీ సూచించాడట. ఇక ఈ చిత్రానికి టైటిల్ కి సంబంధించి సీక్రెట్ ను రివీల్ చేశాడు దర్శకుడు. కాబలేశ్వరన్ కు చెందిన ఓ డాన్ కథే ఈ చిత్రమట. ఈ చిత్రంలో కబలిగా రజనీ అలరించబోతున్నాడట. ఇంతకీ ఈ చిత్ర టైటిల్ కూడా ‘కబలీ’యే. రాధికా ఆప్టే ఈ చిత్రంలో రజనీ కి జోడిగా నటించనుంది. ధన్సిక, దినేష్ లు ప్రధాన పాత్రలో నటించనున్నారు. సెప్టెంబర్ 17 నుంచి ఈ చిత్రం రెగ్యులర్ షూటింగ్ జరుపుకోనున్నట్లు సమాచారం. ఇప్పటికే వచ్చిన ఫస్ట్ లుక్ పోస్టర్ లో రజనీ అదరగొట్టాడు.