‘గబ్బర్ సింగ్ 2’ టైటిల్ ‘సర్దార్’?

‘గబ్బర్ సింగ్ 2’ చిత్రం మొదలైందనగానే పవన్ కళ్యాణ్ అభిమానులు ఊపిరి తీసుకున్నారు. ఎన్నాళ్ళుగానో వార్తల్లో నిలిచిన గబ్బర్ సింగ్ 2 ఒక దశలో అసలు మొదలు పెట్టరేమో అనుకున్నారు అభిమాను. పవన్ గడ్డం వెనుక కథ కూడా గబ్బర్ సింగ్ 2’ సినిమాదే అంటున్నారు. మే 29 మహారాష్ట్రలోని మల్షెజ్ ఘాట్స్ ప్రాంతంలో ప్రారంభమైన షూటింగ్ ఒక షెడ్యూల్ పూర్తి చేసుకున్నా అందులో పవన్ పాల్గొన లేదట.  రెండో షెడ్యూల్ ను జూలై మొదటి వారంలో ఆరంభిస్తారని, ఆ షూటింగులో పవన్ కళ్యాన్ జాయిన్ అవుతారని తెలుస్తోంది. అయితే కొత్త వార్త ఏమిటంటే.... మెగా ఫ్యామిలీ ఫ్యాన్స్ నంతా ఒక్కటి చేయాలని పవన్ భావిస్తున్నాడనీ,  అందులో భాగంగానే 'గబ్బర్ సింగ్-2' ఫస్ట్ లుక్ ను తన అన్నయ్య చిరంజీవి పుట్టినరోజయిన ఆగస్టు 22న విడుదల చేయాలనుకుంటున్నాడట. ఇందులో ఒక హీరోయిన్ గా అనీష అంబ్రోస్ ని ఎంపిక చేసారు. మరో హీరోయిన్ ఎంపిక ఇంకా జరగేలదు. ఆ ఫ్లాష్ బ్యాక్ లో పవన్ గెడ్డం పెంచుకుని కనపడతారని తెలుస్తోంది. ఆర్టిఫిషియల్ గెడ్డాలతో షూటింగ్ ఎందుకని, పవన్ తనే స్వయంగా గెడ్డం పెంచుకున్నారని సమాచారం. ఈ గెడ్డంతో వచ్చే ఎపిసోడ్ సినిమాలో హైలెట్ గా నిలువనుందని చెప్పుకుంటున్నారు. ఈ ఫ్లాష్ బ్యాక్ ఎపిసోడ్ తోనే సినిమా షూటింగ్ ప్రారంభమవుతుందని అంటున్నారు. బాబీ దర్శకత్వంలో తెరకెక్కుతున్న గబ్బర్ సింగ్ -2 చిత్రానికి ‘సర్దార్' అన్న టైటిల్ ను ఖరారు చేసే ఆలోచనలో ఉన్నారు. దర్శక-నిర్మాతలు ఈ టైటిల్ పవన్ ఇమేజ్ కు సరిగ్గా సరిపోతుందని చిత్ర యూనిట్ భావిస్తోంది. అయితే దీనిపై ఇంకా అధికారిక ప్రకటన వెలువడాల్సి ఉంది.