మాటల మాంత్రికుడు త్రివిక్రమ్ కి పవర్ స్టార్ పవన్ కళ్యాణ్ కి ఉన్న స్నేహం గురించి మనకు తెలుసు. కెరీర్ అర్థం కానీ పరిస్థితిలో ఉన్నప్పుడు జల్సా తో స్టార్ డమ్ ను ఒక్కసారిగా పెంచేసి పవర్ స్టార్ క్రేజ్ ను మరింత పెంచాడు త్రివిక్రమ్. అంతేకాదు సినిమాపరంగానే వ్యక్తిగతంగా కూడా మంచి స్నేహితుడిగా మారిపోయాడు. అభిప్రాయాలను షేర్ చేసుకోవటం దగ్గరి నుంచి రాజకీయాల దాకా అన్నింట్లోనూ వీరిద్దరు ఫీలింగ్స్ షేర్ చేసుకుంటాడు. మరి అలాంటి వ్యక్తి కోసం పవన్ కదులుతాడా? 'అ .. ఆ' సినిమాలో పవన్ కల్యాణ్ గెస్ట్ అప్పియరెన్స్ ఇవ్వనున్నాడా? ప్రస్తుతం ఇప్పుడు ఇదే టాపిక్ టాలీవుడ్ లో హాట్ గా నడుస్తోంది. ప్రస్తుతం 'సర్దార్ 'తో తీరిక లేకుండా బిజీగా వున్న పవన్ త్రివిక్రమ్ కోసం ఈ అతిథి పాత్రలో దర్శనమివ్వనున్నాడని అంటున్నారు.
ప్రస్తుతం అ..ఆ... షూటింగ్ హైదరాబాదులో జరుగుతోంది. ఇప్పటివరకూ 80 శాతం చిత్రీకరణను పూర్తిచేసినట్టుగా తెలుస్తోంది. పవన్ తో అతిథి పాత్ర చేయించటం వల్ల ఈ సినిమాకి మరింత హైప్ వస్తుందని చిత్ర యూనిట్ భావిస్తున్నట్లు తెలుస్తోంది. అంతేకాదు హీరో నితిన్ కి కూడా పవన్ కి పిచ్చ ఫ్యాన్, ఎంతో చనువు కూడా వుంది. సో... సినిమాలో గెస్టుగా కనిపించడానికి పవన్ ఓకే చెప్పవచ్చని అనుకుంటున్నారు. అదే జరిగితే 'సర్దార్' కంటే ముందే వెండితెరపై పవన్ సందడి చేస్తాడన్న మాట. మరీ వారిద్దరి కోసం పవన్ ఈ పని చేస్తాడా అన్నది చూడాలి.
.jpg)
