సినిమా వాళ్ళ మైండ్ సెట్ ఓ పట్టాన ఎవరికీ అర్థం కావు! ఎవరెటు దిక్కు వెళతారో ఎవరికి ఎవరు నచ్చుతారో తెలియదు.... ఈ మధ్య పవర్ స్టార్ దాసరి నారాయణ రావు (నిర్మాత) సినిమాలో నటిస్తున్నారన్న వార్తలు బాగా ప్రచారమయ్యాయి. కానీ ఇప్పుడు ఆ వార్త కాస్త మరో రకంగా వినిపిస్తోంది దాసరి దర్శకత్వంలో పవర్ స్టార్ సినిమా అట! దాసరి హిట్ సినిమా ఇచ్చి ఎన్నాళ్ళయ్యిందో.... బహుశా ఎవరికీ గుర్తు కూడా లేదనుకుంటా...! వరుసగా అన్నీ ఫ్లాపులే. అలాంటప్పుడు ఆయనతో పవన్ కళ్యాణ్ సినిమా చేస్తే ఎలా ఉంటుంది. అసలే పవన్ కళ్యాన్ స్టోరీ విషయంలో గానీ, డైరెక్షన్ విషయంలోగానీ ఆచీ తూచీ అడుగులేస్తుంటాడు. మరి ఆయన చెప్తే ఈయన నటిస్తారా లేక ఆయన డైరెక్షన్ చేసుకుంటారా? అనే అనుమానం కూడా కలగక మానదు.
అయినా తెలుగు ఇండస్ట్రీలో పవర్ గాలి బాగా వీస్తున్న రోజులివి. పవన్ సినిమా చేస్తే చాలన్నట్టున్నారు ప్రేక్షకులు. స్ర్కిప్టు జాగ్రత్తగా సిద్ధం చేసుకుంటే కాస్త దాసరి అనుభవం జోడిస్తే అదే గొప్ప సినిమా అవుతుందని భావించవచ్చు కూడా. అయితే పవర్ స్టార్ మాత్రం రెగ్యులర్ గా దాసరి ఇంటికి స్టోరీ డిస్కషన్ కోసం వెళ్తున్నారట. ఈ ప్రాజెక్టు పై పవన్ కళ్యాణ్ సీరియస్ గానే ఉన్నట్టు తెలుస్తోంది. త్రివిక్రమ్ శ్రీనివాస్ ఇప్పటికే ఈ స్ర్కిప్టు కసరత్తులు మొదలు పెట్టారట. అయితే మాటల్లో... దాసరిగారూ మీరే ఈ సినిమాకు దర్శకత్వం వహించవచ్చుకదా? అన్నారట పవర్ స్టార్. దాంతో పాటు ఇంకో మాటా అన్నారట... జయాపజయాలు సహజం వాటి గురించి ఆలోచించొద్దని. పవర్ స్టార్ ఇంతటి ఎంకరేజ్మెంట్ ఇస్తే దాసరి మళ్ళీ మెగా ఫోన్ పట్టుకోరా ఓ హిట్ ఇచ్చుకోలేరా? ఏమో ఏం జరుగుతుందో అఫీషియల్ వార్తలు వస్తేగానీ తెలియదు గదా?
.jpg)
