బాహుబలి సినిమా గురించి ఏ విషయమైనా... జనాలకు చాలా క్యూరియస్... అందుకే ఎవరే విషయం మాట్లాడినా దాని గురించి చర్చలు అవుతున్నాయి. ప్రస్తుతం ఫస్ట్ లుక్ పోస్టర్లు విడుదల చేసి జనాల్లో ఆసక్తి క్రియేట్ చేస్తున్నారు. అయితే కె. రాఘవేంద్రరావు నిర్వహిస్తున్న ‘సౌందర్య లహరి’ కార్యక్రమంలో రాజమౌళితోపాటు ప్రభాస్ పాల్గొన్నాడు. ఎవరూ ఊహించని విధంగా ‘బాహుబలి’పై ప్రభాస్ తన అభిప్రాయాన్ని ఓపెన్ గా చెప్పేశాడు. ‘బాహుబలి’పై మీ అంచనాలేంటి అన్న ప్రశ్నకు తనదైన శైలిలో నవ్వి.... ‘‘షూటింగ్ పూర్తయిన తర్వాత పూర్తిగా చూశాను. ఈ సినిమాలోని ఇంటర్వెల్ ట్విస్ట్ కంటే.. ‘స్టూడెంట్ నెంబర్ 1’ ఇంటర్వెల్ ట్విస్ట్ నాకు బాగా నచ్చిందం’ టూ వ్యాఖ్యానించాడు. ఇది విన్న రాజమౌళి ఏ ఫీలింగూ వ్యక్తం చేయలేదు కానీ, ‘బాహుబలి’ గురించి ప్రభాస్ ఇంత ఓపెన్ గా మాట్లాడేంటి అనుకుంటున్నారు. రాజమౌళి మొదటి చిత్రం ‘స్టూడెంట్ నెంబర్ వన్’ అని, దీని తర్వాత చాలా వచ్చినా, ఫస్ట్ మూవీ మజాయే వేరని మరి కొందరంటున్నారు. ఈ క్రమంలోనే రెబల్‌స్టార్ ఆ సినిమాని ప్రస్తావించాడని చెబుతున్నారు. ఇందులో చెడుగా ఆలోచించాల్సింది ఏమీ లేదనీ, కొన్ని సినిమాలు కొందరికి నచ్చుతాయి. ఇందులో ట్విస్ట్ ప్రభాస్ కు బాగా నచ్చి ఉండవచ్చు అనుకుంటున్నారు. అయితే ఇది కూడా దర్శకధీరుని సినిమా ప్రమోషన్ లో ఒక భాగమై ఉండొచ్చు కూడా.
.jpg)
