ఇప్పుడు టాలీవుడ్ లో సక్సెస్ సినిమా హీరోయిన్ ప్రగ్య పేరు బాగా వినపడుతోంది. ‘కంచె’ లో ఆమెకు నటన ఉన్న పాత్ర దక్కింది. కెరీర్ ప్రారంభంలోనే ఇంత మంచి రోల్ రావడం... సినిమా కూడా సక్సెస్ కావడంతో అమ్మడు చాలా ఖుషీ ఖుషీగా ఉంది. మామూలుగానే తెలుగు సినిమాల్లో హీరోలను హైలైట్ చేసి హీరోయిన్ ని మాత్రం గ్లామర్ డాల్ ను చేసేస్తారు. కానీ మెరుపు తీగలా ఉన్న ప్రగ్య కు గ్లామర్ తో పాటు పెర్ఫార్మెన్స్ చూపించగల పాత్ర దక్కింది. ‘మిర్చి లాంటి కుర్రాడు’ లాంటి చిన్న సినిమాతో హీరోయిన్ గా పరిచయమైన ప్రగ్యకు ‘కంచె’ లాంటి పెద్ద సినిమాలో ఛాన్స్ రావడం తన అదృష్టంగా భావిస్తోంది. ఆ సినిమాలోనూ అమ్మాయి బాగా చేసింది అనిపించుకుంది ప్రగ్య. ఇప్పుడు ఈ సినిమాకు బాగా చేసిందన్న ప్రశంసతో సినిమా హిట్ అయ్యింది. ఇక ప్రగ్య ఆఫర్లు దక్కించుకుంటుందన్న టాక్ వినిపిస్తోంది.
ఇక ఈ మధ్య ప్రగ్య మహేష్ బాబు సరసన నటిస్తోందన్న వార్త మీడియాలో హల్ చల్ చేస్తోంది. మురుగదాస్ దర్శకత్వంలో ప్రిన్స్ నటించే సినిమాలో పగ్యకే అవకాశం దక్కిందని అంటున్నారు.
అయితే ఈ వార్తను ప్రగ్య ఈ రోజు ఖండించింది. ఇది నిజం కాదన్నది. నా బ్యాడ్ లక్ నన్నెవరూ మహేష్ తో నటించమని అడగలేదు... కానీ ఇది నిజమైతే నా అదృష్టం పండినట్టే అంటోంది. తాను చేయబోయే సినిమాల వివరాలు కూడా ఏమీ వెల్లడి చేయలేదు. కానీ ఇప్పుడు మాత్రం టాలీవుడ్ లో ఈ అమ్మడు అందరి దృష్టిలో పడిపోయింది. మహేష్ తో అవకాశం అతి దగ్గరలోనే ఉండొచ్చని అనుకుంటున్నారు.
.jpg)
