బాహుబలి ది బిగినింగ్ ఎక్కడైతే మొదలైందో ఇప్పుడు కంక్లూజన్ కోసం అక్కడికే వెళ్తున్నాడు రాజమౌళి. మొదటి భాగాన్ని రామోజీ ఫిల్మ్ సిటీతోపాటు బల్గేరియా, కేరళలో షూటింగ్ జరుపుకున్న విషయం తెలిసిందే. త్వరలో తిరిగి కేరళలోనే షూటింగ్ చేయబోతున్నట్లు సమాచారం. సినిమాటోగ్రాఫర్ సెంథిల్ కుమార్ తో కలిసి రాజమౌళి అక్కడి లొకేషన్స్ కి వెళ్లినట్లుగా తెలుస్తోంది. మొదటిభాగం కేరళలోని అద్భుతమైన లొకేషన్స్ లో షూట్ చేశారు. శివుడి వాటర్ ఫాల్ ఎపిసోడ్స్ తోపాటు, ఫ్లాష్ బ్యాక్ లో వచ్చే కొన్ని కీలక సన్నివేశాలు అక్కడే చిత్రీకరించారు. సో... రెండవ భాగం షూటింగ్ కూడా అక్కడ చేయవలసి వుంది. ప్రస్తుతం అందుకు సంబంధించిన పనుల్లో రాజమౌళి అండ్ టీం సన్నాహాలు చేస్తుందట. ఇక 'బాహుబలి 2'కి సంబంధించిన షూటింగ్ కొన్నిరోజుల క్రితం హైదరాబాద్ లో మొదలైంది. ప్రభాస్ .. రమ్యకృష్ణ .. సత్యరాజ్ కాంబినేషన్లోని కొన్ని ముఖ్యమైన సన్నివేశాలను చిత్రీకరించిన విషయం తెలిసిందే. రామోజీ ఫిల్మ్ సిటీలోని బాహుబలి సెట్లోనే ఆ పార్ట్ అంతా షూటింగ్ జరుపుకుంది. మరో మూడు నెలలపాటు గ్యాప్ తో షూటింగ్ జరుపుకున్న అనంతరం అనుష్క, రానా ఈ షూటింగ్ లో వచ్చి జాయిన్ అవుతారని సమాచారం.
.jpg)
