త్రివిక్రమా...? రాజమౌళినా...??

దర్శకుడు రాజమౌళి సినిమాలో నటించడమంటే తమ కెరీర్ ఖాతాలో ఓ  హిట్ చిత్రం చేర్చుకున్నట్టే లెక్క ఆ సినిమాలో నటించిన నటులకు. తిరుగులేని దర్శకుడిగా పేరుంది ఆయన దర్శకత్వానికి. అయితే ఈ దర్శకుడిని ఇప్పుడు త్రివిక్రమ్ టార్గెట్ చేస్తున్నాడనేది ఇండస్ట్రీలో ఓ టాక్ నడుస్తోంది. ప్ర‌తీ విష‌యంలోనూ ద‌ర్శ‌క‌ధీరుడితో పోటీకి సై అంటున్నాడట త్రివిక్ర‌మ్. అయితే ఈ ఇద్దరు దర్శకులతో పని చేసే అవకాశం ఒకేసారిగా వస్తే మాత్రం త్రివిక్రమ్ తో పనిచేయడానికి ఎక్కువ ఆస‌క్తి చూపిస్తున్నారట నటులు. కారణం రాజ‌మౌళి సినిమా అంటే హిట్ గ్యారెంటీ అనే ముద్ర ఉన్నా.. ఎక్కువ కాల్షీట్లు ఇవ్వాల్సి వస్తుందనట. అదే త్రివిక్ర‌మ్ తో సినిమా అంటే త్వరగా పూర్తవుతుంది. మినిమమ్ గ్యారెంటీ కూడా ఉంటుంది అనుకుంటున్నారట. ఈ మ‌ధ్య కాలంలో రాజ‌మౌళి మిన‌హా మ‌రే ద‌ర్శ‌కుడు హ్యాట్రిక్ కొట్ట‌లేదు. అప్పుడెప్పుడో ఐదేళ్ల కింద బోయ‌పాటి సింహాతో ఈ ఫీట్ సాధించాడు. ఇప్పుడు ఈ ఆఫ‌ర్ త్రివిక్ర‌మ్ ముంగిట నిలిచింది. జులాయి, అత్తారింటికి దారేది సినిమాతో బ్లాక్ బ‌స్ట‌ర్స్ అందుకున్న మాట‌ల మాంత్రికుడు.. స‌న్నాఫ్ స‌త్య‌మూర్తితో హ్యాట్రిక్ కొట్టాలనుకుంటున్నాడు. ఒక్కఖలేజా తప్ప అన్నీ హిట్లే ఇచ్చిన ఈయన సత్యమూర్తి సినిమా హిట్ అయితే తెలుగు సినిమా పరిశ్రమలో రాజమౌళికి పోటీగా గ్యారెంటీ దర్శకుడిగా ముద్రపడిపోతుంది.