వెంకటాద్రి ఎక్స్ ప్రెస్ సినిమాతో సక్సెస్ హీరోయిన్ గా పేరు తెచ్చుకుని... తెలుగులో దాదాపు అందరు టాప్ హీరోలతో నటించే ఛాన్స్ కొట్టేసింది రకుల్ ప్రీత్ సింగ్. అయితే ఈ అందాల రకుల్ తెలుగు హీరోల గురించి అందరికీ తెలియని నిజాలేమో కొన్ని చెపుతానంటోంది.... అవేంటో చూద్దాం....
సందీప్ కిషన్: తనో పనిరాక్షసుడట. అంతకు మించి తన గురించి చెప్పడానికి మరో మాట లేదట. తను 23 గంటల 59 నిమిషాలు సినిమాల గురించే మాట్లాడతాడట. సీన్స్ చేయడానికి ముందు చాలా ఒత్తిడికి లోనవుతాడట. ఎంతో డిస్కస్ చేసిన తరువాత ఆ సీన్లో నటిస్తాడట.
ఆది: తను చాలా కూల్ పర్సన్ అట. ఏదైనా రిస్క్ సీన్ అయినా సరే... చాలా కూల్ గా ఉంటాడట. కానీ ఔట్ పుట్ మాత్రం చాలా బాగుంటుందట. తను అన్నటినీ చాలా తేలిగ్గా తీసుకుంటారు. వర్క్ విషయంలో చాలా సిన్సియర్ అంటోంది.
మనోజ్: ఇతన్ని ఎనర్జిటిక్ హీరో అంటోంది. చాలా జోవియల్ గా ఉంటాడట. కానీ కెమెరా ముందుకు వెళ్ళే సరికి చాలా సీరియస్ అయి పోతాడట.
రామ్: ఇతనూ ఎనర్జిటిక్ (లైవ్ వైర్) హీరో అనే అంటోంది. చాలా సమయస్ఫూర్తి కలవాడంటోంది. జోకులు వేస్తూనే ఉంటాడు మరు నిమిషంలో చాలా సీరియస్ అయిపోతాడట. చాలా డెడికేషన్ తో సెట్ లోకి వస్తాడట.
గోపీచంద్: సంతోషాన్నయినా బాధనైనా బాలెన్స్ చేసుకోవడమనేది అతని దగ్గర నేర్చుకోవచ్చునట. అతనితో పని చేయడం చాలా తేలికంటోంది.
రవి తేజ: రవి తేజ, తను ఒకే స్వభావికులట. వీరిరువురూ ఫిట్ నెస్ ఫ్రీక్స్ అంటోంది.
.jpg)
