మహేష్-కొరటాల (శ్రీమంతుడు లేదా జమీందార్) శివ మూవీ దాదాపు షూటింగ్ పూర్తి చేసుకుని విడుదలకు సిద్ధమవుతోంది. మహేష్ బాబు తరువాతి ప్రాజెక్టుకు సిద్ధమవనున్నారు. అది శ్రీకాంత్ అడ్డాల కాంబినేషన్లో తెరకెక్కబోతోంది. ఇందులో హీరోయిన్ గా సమంతను అనుకున్నారట... కానీ మహేష్ రకుల్ ని ప్రిఫర్ చేసినట్టుగా వార్తలు వినిపించాయి. ఇప్పుడు స్టార్ హీరోయిన్లుగా చెప్పుకుంటున్న కొంతమంది రెమ్యునరేషన్ కోటి నుంచి రెండు కోట్ల వరకూ ఉందట. దీంతో 30 లక్షలకే తృప్తి పడే రకుల్ ప్రీత్ సింగ్ బెటరు కదా అనుకుంటున్నారు. అందులో ఈ అమ్మడిది లక్కీ పాదం అని కూడా అనుకుంటున్నారు. రామ్ చరణ్-శ్రీనువైట్ల కాంబినేషన్ లో వస్తున్న సినిమాలో కూడా ముందు సమంతను అనుకుని ఆ ఛాన్స్ రకుల్ కు ఇచ్చారు. కోట్లకు కోట్లు అడుగుతూ నెత్తికెక్కి కూర్చునే హీరోయిన్ల కంటే రకుల్ లాంటి సాఫ్ట్ నేచర్ ఉన్న హీరోయిన్లే నయం కదా అనుకుంటున్నారిప్పుడు హీరోలూ, నిర్మాతలు కూడా. శ్రీకాంత్-మహేష్ కాంబినేషన్లో పీవీపీ బ్యానర్‌పై ప్రముఖ పారిశ్రామికవేత్త పొట్లూరి వరప్రసాద్ నిర్మించే సినిమాకూ రకులే హీరోయిన్. మేలో ఈ సినిమా షూటింగ్ ప్రారంభించి దసరాకు చిత్రం విడుదల చేయాలని ప్రయత్నిస్తున్నారు.
.jpg)
