రెండో ట్రైలర్ కూడా వచ్చేసింది

స్మగ్లర్‌ వీరప్పన్‌ అంటే తెలియని వాళ్ళుండరేమో... కెప్టెన్ ప్రభాకర్ లో ఓ కల్పిత పాత్రగా పాత్రగా వీరప్పన్ కథను వాడుకున్నారు. ఆ ప్రాంతానికి వెళ్ళి వీరప్పన్ గురించి పూర్తిగా తెలుసుకొని ఆయన జీవితచరిత్రను తెరకెక్కించే ప్రయత్నం ఇప్పుడు దర్శకుడు రామ్‌గోపాల్‌వర్మ చేపట్టాడు. ఈ చిత్రానికి 'కిల్లింగ్‌ వీరప్పన్‌' అనే టైటిల్ ఎంచుకున్నారు. ఈ చిత్రం రెండో ట్రైలర్ ని ముందుగా తెలియచేసిన సమయానికే విడుదల చేసారు వర్మ. ట్రైలర్ చాలా ఎక్సైటింగ్ గా అనిపిస్తోంది. ఈ సినిమా తప్పకుండా చూడాలి అనే క్రేజ్ మొదటి ట్రైలర్ తోనే వచ్చేసింది. ఇప్పుడు రెండో ట్రైలర్ కూడా దిగిపోయింది. ట్రైలర్ చూసిన ప్రతీ వారు వర్మకు ఈసారి హిట్ ఖాయం అంటున్నారు. తెలుగు, కన్నడ, తమిళం, హిందీ భాషల్లో ఈ చిత్రం ప్రేక్షకుల ముందుకు రానుంది. ఈ చిత్రం ట్రైలర్‌-2ను వీరప్పన్‌ మృతి చెందిన రోజు అదే సమయానికి అంటే.. ఈ నెల 18న రాత్రి 10.40 గంటలకు విడుదల చేసినట్లు రామ్‌గోపాల్‌వర్మ తన అధికారిక ట్విట్టర్‌ ఖాతాలో పేర్కొన్నారు. నవంబర్ 6న ఈ చిత్రం విడుదల చేయటానికి సన్నాహాలు చేస్తున్నట్లు సమాచారం. కన్నడ హీరో శివరాజ్ కుమార్ పోలీస్ పాత్రలో కనిపించనున్నాడు. పరుల్ యాదవ్, యజ్ఞ శెట్టి హీరోయిన్స్ గా చేస్తున్నారు. ఢిల్లీకి చెందిన సందీప్ భరద్వాజ్ వీరప్పన్ పాత్ర పోషిస్తున్నాడు.