మెగాస్టార్ తమ్ముడే అయినప్పటికీ ఆయన నటనను గానీ, ఆయన ఆటిట్యూడ్ గానీ తన మీద పడకుండా తనకంటూ ఓన్ ఐడెంటిటీని క్రియేట్ చేసుకున్నాడు పవన్ కళ్యాణ్. ఇప్పుడు వారసులకు ఇచ్చిన ఎంకరేజ్ మెంట్ కూడా ఆయనకు అంతగా లభించినట్టు కనిపించదు. ఆయన మొదటి సినిమా నటించే నాటికి అప్పటికే మార్షల్ ఆర్ట్స్ లోనూ, నటనలోనూ ట్రైనింగ్ తీసుకున్నాడు. కానీ తొలి అవకాశం రావడానికే చాలా కాలం పట్టింది ఆయనకు. అందుకే ఆయనను తెలుగు సినీ పరిశ్రమలో ఒక ప్రత్యేక వ్యక్తిగానే చూస్తారందరూ. ఆయనకు జనాల్లో ఉన్న క్రేజ్ ఎలాంటిదంటే ఆయన పేరును, మేనరిజంను, ఆయన పాటను... ఇంకా ఏదైనా సరే తమ సినిమాలో వాడుకుంటే ఆ ఒక్క సీన్ కోసమైనా జనాల్ని రప్పించాలన్నంతగా సినీ పరిశ్రమ ఆయనను వాడుకుంటోంది.
అయితే ఇప్పుడు ఆయనను రామ్ చరణ్ అనుసరిస్తున్నారన్న వార్త ఫిల్మ్ నగర్ లో హల్ చల్ చేస్తోంది. యాక్షన్ సీక్వెన్సెస్‌ చేయడానికి పవన్‌కళ్యాణ్‌ ప్రత్యేకంగా శిక్షణ తీసుకునేవాడు ఆయన సినిమాల్లో. కెరీర్ స్టార్టింగ్‌ నుంచి ఇప్పటివరకూ తన సినిమాల్లో ఎన్నో డిఫరెంట్‌ కాన్సెప్ట్ లు యాక్షన్ సీన్ లు జొప్పించాడు. పాత సినిమాల్లో లా కాదు ఇప్పుడు చూసే జనాలు కూడా యాక్షన్ సీన్స్ లో ఏ కొంచెం పట్టు తప్పినా కనిపెట్టేస్తున్నారు. నవ్వుకుంటున్నారు కూడా. అందుకే ఇప్పుడు వివిధ రకాల యుద్ధ విద్యలు నేర్చుకోవడం కోసం యువ హీరోలు చాలా కష్టపడుతున్నారు. పైగా ఎక్కడెక్కడినుంచో ఆ విద్యల్లో నైపుణ్యం ఉన్న వారిని పిలిపించి కొత్త సీన్స్ తమ సినిమాల్లో ఉండేలా చూసుకుంటున్నారు. ఈ ట్రెండ్ ను పవన్ కళ్యాన్ తోనే ఆరంభించినట్టు సినీ అభిమానులు అనుకుంటుంటారు. ఇప్పుడు అదే తరహాలో బాబాయ్ పవన్‌కళ్యాణ్‌ని చరణ్ ఫాలో అవుతున్నట్టుగా ఒక టాక్ వచ్చింది. తన కొత్త సినిమా కోసం 'జైకా' యాక్షన్ స్టూడియోలో స్టంట్స్‌ నేర్చుకుంటున్నాడు చరణ్. ఇప్పుడు రాబోయే సినిమాలో ఈ యాక్షన్ ఫీట్స్‌ చరణ్ ప్రదర్శిస్తాడట. చిన్నప్పటినుంచీ బాబాయ్ తో చనువుగా ఉన్న చరణ్‌కి యాక్షన్ పట్ల స్పెషల్‌ ఇంట్రెస్ట్‌ చూపిస్తున్నట్టు కనిపిస్తోంది.
.jpg)
