బాహుబలికి ఇంకా ఆరు రోజులే ఉంది. దీంతో సినిమా పై ఉత్కంఠ అంతకంతకు పెరిగిపోతుంది. కొద్దిసేపటి క్రితం బాహుబలి చిత్రానికి సంబంధించిన మరో డైలాగ్ ట్రైలర్ ను విడుదల చేశారు. ఇంతకు ముందు విడుదల చేసిన ట్రైలర్ లో రానా, అనుష్క మధ్య ఉండగా, ఇప్పుడు రమ్యకృష్ణ డైలాగ్ ను విడుదల చేశారు. ఇందులో నటి రమ్యకృష్ణ పవర్ ఫుల్ డైలాగ్ తో అలరించింది. ‘‘వీళ్ల తిరుగుబాటుతో మహిష్మతికి మకిలి(మురికి) పట్టింది. రక్తంతో కడిగేయ్’ అన్న డైలాగ్ కు ప్రేక్షకులకు ఫిదా అయిపోతున్నారు. రాజ్యంపై దాడికి ప్రయత్నిస్తున్న తిరుగుబాటుదారులను అణచివేసే పాత్రలో ఆమె ఖచ్ఛితంగా చించేస్తుందని అర్థమైపోతుంది. ట్రైలర్ చూస్తే ఖచ్ఛితంగా శివగామి పాత్ర నీలాంబరిని మించే పాత్ర అవుతుందనటంలో సందేహం లేదనిపిస్తోంది. మరి తెరపై ఆమె అభినయాన్ని పూర్తిగా చూడాలంటే 10 తేదీ వరకు ఆగాల్సిందే.
.jpg)
