దగ్గుబాటి వంశం నుంచి వచ్చి తెలుగు తెరతోపాటు ఓవైపు బాలీవుడ్ లోనూ, మరోవైపు కోలీవుడ్ లోనూ పాగా వేశాడు రానా. ఒక్క బాహుబలి మినహా మనోడి కెరీర్ లో పెద్ద హిట్ లేదనే చెప్పాలి. లీడర్ ఆడినా అది కాస్త డైరక్టర్ శేఖర్ కమ్ముల ఖాతాలోకి వెళ్లిపోయింది. ఆ తర్వాత వచ్చిన సినిమాలు రానా యాక్టింగ్ ప్రతిభ దాటికి అట్టర్ ఫ్లాప్ గా మిగిలిపోయాయి. బాలీవుడ్ లో ఒకటి రెండు హిట్లు వచ్చినా అందులో అతగాడి నటనా ప్రావీణ్యం తక్కువే. అయితే రాజమౌళి పుణ్యమాని కెరీర్ లోనే అతిపెద్ద ఛాన్స్ అందుకుని పెద్ద స్టార్ అయిపోయాడు.
ప్రస్తుతం బాహుబలి 2 కోసం కఠోర శ్రమ చేస్తున్న ఈ నటుడు మరేయితర సినిమాలకు అంగీకారం తెలపలేదు. ఆ మధ్య ఒకటి రెండు చిత్రాలకు సంతకం చేశాడని వార్తలు వచ్చినప్పటికీ అదంతా ఉత్తదేనని కొట్టిపడేశాడు. ఇక తాజాగా ఓ చిత్రానికి సై చెప్పినట్లు అధికారికంగా తెలుస్తోంది. గత రెండు చిత్రాలతో దర్శకుడు అధో:పాతాళానికి పడిపోయిన సంగతి తెలిసిందే. ఎంతలా అంటే ఒకప్పుడు అగ్రహీరోలందరితో పని చేసిన వైట్లతో ఇప్పుడు చిన్న హీరోలు సైతం సినిమా చేసేందుకు ముందుకు వచ్చే ధైర్యం చేయట్లేదు. అయితే కాస్త ఊరట కలిగించే అంశం ఆయనకు ఇప్పుడు దొరికింది. ఓ స్టోరీ లైన్ తో రానాను సంప్రదించగా దానికి ఓకే చెప్పాడట. పూర్తి స్క్రిప్ట్ డెవలప్ చేసుకుని రావాల్సిందిగా వైట్లకు సూచించాడట. అది గనక ఓకే అయితే సినిమా సెట్స్ మీదకు వెళ్లటం ఖాయం. ఫ్లాప్ లతో ఢీలా పడిపోయిన దర్శకుడికి రానా లైఫ్ ఇస్తాడా? తన కెరీర్ లో ఇంత వరకు లేని సోలో హిట్ అందుకుంటాడా చూద్దాం.
.jpg)
