సినిమాలందు డ్యూయల్ రోల్ సినిమాలే వేరయా అని చెప్పుకోవచ్చు. తమ అభిమాన హీరో ద్విపాత్రాభినయంలో తెరపై ఇరగదీస్తుంటే ఆనందించని అభిమానులు ఉండరా చెప్పండి. అందుకే సినిమాల్లో వాటికి ప్రత్యేక స్థానం ఎప్పుడూ ఉంటుంది. ఇక మాస్ మహారాజ్ రవితేజ కెరీర్ లో కూడా డ్యూయల్ రోల్ పోషించిన సినిమాలు ఉన్నాయి, కాకపోతే వేళ్ల మీద లెక్కపెట్టుకోవచ్చు. ఒక్క విక్రమార్కుడు తప్పించి ఫుల్ లెంగ్త్ ద్విపాత్రాభినయం చేసిన సినిమాలు లేవనే చెప్పాలి. ఈ క్రమంలో ఆయన త్వరలో ఒక సినిమాలో డ్యూయల్ రోల్ లో కనిపించనున్నట్టు తెలుస్తోంది. ఈ సినిమాకి స్వామిరారా ఫేం సుధీర్ వర్మ దర్శకత్వం వహించనున్నాడు. అయితే తర్వాత దోచెయ్ ఫ్లాప్ అయి నిరాశపరిచింది. జయాపజయాల సంగతి అటుంచితే, టేకింగ్ విషయంలో ఆయన మంచి మార్కులు కొట్టేశాడు.
తాజాగా ఆయన రవితేజ కోసం ఒక కథను సిద్ధం చేసుకుని వెళ్లి ఆయనకి వినిపించాడట. ఈ కథలో రవితేజ తండ్రీ కొడుకుల పాత్రలో నటించనున్నట్లు సమాచారం. ఇక తండ్రి క్యారెక్టర్ మాఫియా డాన్ గా ఉండటంతోపాటు కథలో అనూహ్యమైన మలుపులు కూడా ఉన్నాయట. మాస్ ఆడియన్స్ ను ఆకట్టుకునే అంశాలు ఉండటంతో రవితేజ వెంటనే ఓకే చెప్పేశాడని అంటున్నారు.
.jpg)
