అనసూయ రేంజ్ కి అంతే మరి!

గ్లామర్, జోష్ తో కూడిన మాటలతో ప్రేక్షకులను టీవీలకు కట్టిపడేస్తుంది యాంకర్ అనసూయ. చలాకీతనంతోపాటు అందం ఈ హాట్ ఆంటీకి ఉన్న అదనపు ఆకర్షణ. ఎంతలా అంటే చివరికి అందం అనసూయ పేరు వింటే అసూయ పడే రేంజ్ కి చేరింది. ఆమె చేసేది లేడీ ఓరియెంటల్ ప్రోగాంలు, కానీ, ఫ్యాన్స్ మాత్రం మగవాళ్లే ఎక్కువ ఉండటం ఇందుకు నిదర్శనం. అందుకే బుల్లితెరపై ఆమెకున్న క్రేజ్ అంతా ఇంతా కాదు. ఇక ఆయా సినిమా వేడుకలకు కూడా ఆమె యాంకరింగ్ మరింత అందాన్ని తెస్తుంది. అలాంటి అనసూయ తాజాగా ఒక సినిమాలో నటించినందుకు తీసుకున్న పారితోషికం ఇప్పుడు ఫిల్మ్ నగర్లో హాట్ టాపిక్ గా మారింది.

నాగార్జున కథానాయకుడిగా నటించిన 'సోగ్గాడే చిన్నినాయన' సినిమాలో ఆమె ఒక ముఖ్యమైన పాత్రను పోషించింది. 10 రోజుల పాటు ఈ సినిమా షూటింగులో పాల్గొన్నందుకు ఆమె 40 లక్షల వరకూ పారితోషికంగా తీసుకుందట. దాంతో కొత్తగా వచ్చిన కొంతమంది కథానాయికలకి కూడా ఈ స్థాయి రెమ్యునరేషన్ లేదనే గుసగుసలు వినిపిస్తున్నాయి. టీవీలో ప్రోగ్రామ్ కాన్సెప్ట్ ఏదైనా సరే, ఆ కార్యక్రమాన్ని పూర్తిగా తనపై వేసుకుని అనసూయ నడిపిస్తుంది. ఆ సమర్ధత కారణంగానే ఆమె చాలా బిజీగా వుంటుంది. 10 రోజుల పాటు ఆ కార్యక్రమాలన్నీ పక్కన పెట్టేసి ఆమె ఈ సినిమా చేసింది. అక్కడ ఆమె సంపాదించేదే, ఇక్కడ తీసుకుందనీ, నాగార్జునతో నటించాలనే ముచ్చటతోనే ఆమె ఆసక్తిని చూపించిందనే వాళ్లూ లేకపోలేదు.