‘స్పెషల్ చెబ్బీస్’ రీమేక్ ఉన్నట్టేనా?

రవితేజ కెరీర్ లో హిట్ అయిన సినిమాల జాబితానే ఎక్కువ. అంటే సినిమాలు, కథలు ఆయన ఆచీ తూచీ ఎన్నుకున్నట్టు కాదు. ఆయన డైరెక్టర్ ను నమ్మి చాలా త్వరగా డెషిషన్లు తీసుకుంటాడట. దీన్ని బట్టి మన కర్థమవుతున్నదేమిటంటే? రవి తేజకు అదృష్టం జెర్రిపోతులా ఉండి ఉంటుంది అని. ఈయన దర్శకుడిని పూర్తిగా నమ్మే హీరో. ఏం ఆలోచించకుండా సినిమా చేసేస్తాడట. అయితే ఆయన చేసిన సినిమాలు చాలా వరకూ పెద్ద హీరోలవద్దకు వెళ్ళి రిజెక్ట్ చేయబడిన కథలేనట. అయినా రిస్క్ చేసి నటించి సక్సెస్ కొడుతున్నాడు. రవితేజ అదృష్టంతో పాటు హార్డ్ వర్క్ తోడవడంతో కెరీర్ చాలా సక్సెస్ ఫుల్ గా నడుస్తోంది. ఆ మధ్య హిందీ సూపర్ హిట్ ‘స్పెషల్ చబ్బీస్’ రీమేక్ సినిమా ఒకటి పెద్ద హీరో కాదన్నాక రవితేజ దగ్గరికి వచ్చిందట. కానీ రవి తేజ ఎప్పటిలా వెంటనే ఓకే చెప్పయ్యలేదు. ప్రస్తుతానికి ఆ కథను వాయిదా వేశారు.
దీని సంగతి అడిగిన వారికి ‘ఈ సినిమా న్నదున్నట్టు తీస్తే మన వాళ్ళుకు రీచవదు. దీన్ని కొద్దిగా మార్చాల్సి ఉంటుందన్నాడట. అయితే ఈ మార్పులు ప్రస్తుతం జరుగుతున్నాయా లేదా అనేదానికి ఎవరివద్ద నుంచీ క్లారిటీ రావడం లేదు. దీంతో పాటు వెంకటేష్ తో చేయాలనుకున్న మల్టీస్టారర్ గురించి కూడా మాట్లాడాడు రవితేజ. వీరూ పోట్ల దర్శకత్వంలో వెంకీతో కలిసి ఓ మల్టీస్టారర్ చేయాలనుకున్న మాట వాస్తవమే అని.. కానీ కొన్ని కారణాల వల్ల అది కార్యరూపం దాల్చలేదని, మల్టీస్టారర్స్ చేయడానికి తనకెలాంటి ఇబ్బందీ లేదని రవితేజ చెప్పాడు.