ఎన్టీఆర్ ఎందుకు కవర్ చేసుకుంటున్నాడు?

యంగ్ టైగర్ ఎన్టీఆర్ హిట్ కోసం వేచి వేచి చివరకు పూరీ ‘దయ’తో టెంపర్ అంటూ బ్లాక్ బస్టర్ హిట్ కొట్టాడు. అయితే అగ్రహీరోల రేసులో ఉన్న బుడ్డోడి స్థాయికి సరిపోదా హిట్. దీంతో ఒక్క సాలిడ్ కోసం ప్రయత్నిస్తున్నాడు. ఇందుకోసం సుకుమార్ దర్శకత్వంలో నాన్నకు ప్రేమతో గా ముందుకు వస్తున్నాడు. పూర్తిగా బాడీ లాంగ్వేజ్ ను, స్వరూపాన్నే మార్చేసుకున్నాడు. భారీ గడ్డంతో, పెప్పీ క్రాఫ్ తో ఫార్మల్ డ్రెస్సులో ఓ డిఫరెంట్ లుక్ తో కనువిందు చేస్తున్నాడు.  ఫస్ట్ లుక్, టీజర్ లకు లక్షల వచ్చిన హిట్లే ఈ చిత్రంపై నెలకొన్న అంచనాలను పెంచుతుంది. హీరోల నుంచి మాగ్జిమమ్ నటనను పిండుకునే సుకుమార్ చేతిలో పడ్డాడు ఎన్టీఆర్. అయితే వన్ చిత్రం ఫ్లాప్ అయినప్పటికీ అందులో మహేష్ నటన చించి పడేశాడని తెలుసు. దీంతో ఎలాంటి అవుట్ ఫుట్ వస్తుందో అని ప్రేక్షకుల్లో ఆసక్తి నెలకొంది.

                       ఇక సుక్కూ తన ప్రతీ చిత్రానికి ముందు నాన్నకు ప్రేమతో అని ఓ కార్డును ఫ్లే చేయటం మనకు తెలిసిందే. అయితే దానినే ఇప్పుడు టైటిల్ గా మార్చటంతో ఫాదర్ సెంటిమెంట్ పాలు ఎక్కువే ఉంటుందని ప్రత్యేకంగా చెప్పనక్కర్లేదు. ఇక స్టైలిష్ లుక్ తోపాటు ఎన్టీఆర్ డ్రెస్సింగ్ పై కూడా కాస్త సస్పెన్స్ మెయింటెన్ చేస్తున్నాడు. కేవలం స్టైల్ కోసమే కాకుండా దానికి సంబంధించి ఓ సీక్రెట్ కూడా ఉందట. ఫుల్ హ్యాండ్స్ షర్ట్స్ లో కనిపిస్తున్న ఎన్టీఆర్ చేతులను కనిపించకుండా కవర్ చేసుకున్నాడు. చిత్రానికి సంబంధించిన చేతిపై ఉండే ‘నాన్నకు ప్రేమతో’ అనే ఓ పచ్చబొట్టు కీలక పాయింట్ కానుందట అందుకే ఎన్టీఆర్ ఇలా కవర్ చేసుకుంటున్నాడని తెలుస్తోంది. వన్ లా సైకలాజికల్ థ్రిల్లర్ లా కాకుండా పూర్తిగా ట్విస్ట్ లతోనే ఈ చిత్రం తెరకెక్కనున్నట్లు తెలుస్తోంది. తండ్రి కోసం ప్రతీకారం తీర్చుకునే కొడుకు క్యారెక్టర్ లో ఎన్టీఆర్ ఎలా విజృంభిస్తాడో తెలియాలంటే సంక్రాంతి దాకా ఆగాల్సిందే. అన్నట్లు బాబాయ్ బాలయ్య డిక్టేటర్ చిత్రానికి పోటీగా ఒక్కరోజు గ్యాప్ తోనే ఈ చిత్రాన్ని ప్రేక్షకుల ముందుకు రానుంది.