మొదట బుల్లితెర నటుడిగా వచ్చి ఆ తరువాత వెండితెరపై హాస్యనటుడిగా పేరు తెచ్చుకుని, ఆ తరువాత హీరోగా కూడా వెలిగిపోతున్నాడు శివకార్తికేయ. ఈయన సమంతతో ఓ సినిమా చేస్తున్నాడని నాలుగు రోజుల క్రితం ఓ వార్త హల్ చల్ చేసింది. కానీ ఇలాంటి ఛాన్స్ లేనే లేదని సమంత సన్నిహితులు వెల్లడి చేశారట. వరుత్తపడాద వాలిబర్ సంఘం చిత్రంలో నటి శ్రీదివ్యతో డ్యూయెట్లు పాడిన శివకార్తికేయన్, ఆ తరువాత ప్రియాఆనంద్, హన్సిక అంటూ పాపులర్ హీరోయిన్లతో చేశాడు. తన సొంత చిత్రంలో సమంతతో స్టెప్స్ వేయడానికి చాలా ఆశ పడ్డాడట ఈ హీరో. అయితే ఇప్పుడీ చిత్రంలో సమంత నటించడం లేదని ఆమె సన్నిహిత వర్గాల ద్వారా తెలిసింది. సమంత ప్రస్తుతం చాలా బిజీ గా ఉంది. ఆమె చేతిలో అరడజను చిత్రాలున్నాయి. తమిళంలో విక్రమ్ సరసన నటిస్తున్న పత్తు ఎండ్రుదుకుళ్లే చిత్ర షూటింగ్ పూర్తి చేసుకుంది. ఇక సూర్యతో అంజాన్ చిత్రం తరువాత 24 అనే చిత్రంలో నటిస్తున్నారు. వేల్‌రాజా దర్శకత్వంలో రూపొందుతున్న చిత్రంలో ధనుష్‌తో, ఇళయదళపతి విజయ్ సరసన మరో సినిమా, ఇవి గాక తెలుగులో మరో రెండు. ఇక ఈ ఏడాది డైరీలో డేట్లు లేకపోవడంతో ఆయనతో సినిమా లేనట్లే అనుకోవాల్సి వస్తోంది.
.jpg)
