గుజరాత్ వెళుతున్న‘సర్దార్’

శ్రీమంతుడు సినిమా తరువాత ఎదురు చూసే స్టార్ హీరో సినిమాల్లో... ఎన్టీఆర్, రాంచరణ్, సినిమాల తరువాత పవన్ కళ్యాణ్ ‘సర్దార్’ సినిమా కూడా ఉంది. ఈ హీరో గోపాల గోపాల సినిమా తరువాత చాలా గ్యాప్ తీసుకున్నారు. అందులో గబ్బర్ సింగ్ 2 తీయబోతున్నట్టు రెండు సంవత్సరాలుగా అభిమానులను ఊరించి ఇటీవలే షూటింగ్ మొదలు పెట్టారు.  ఆయన అభిమానులంతా... ‘హమ్మయ్య మన హీరో సినిమా మొదలయ్యింది’ అనుకున్న తరువాత కూడా ఈ షూటింగ్ కు ఎందుకో అంతరాయం ఏర్పడింది. చివరికి ఫస్ట్ లుక్ విడుదల చేసి షూటింగ్ ప్రారంభించేస్తున్నట్టు ప్రకటించారు. అయితే ఇప్పుడు జరుగుతున్న మూడవ షెడ్యూల్ లోని కొన్ని సీన్లు పవన్ కళ్యాణ్ నిన్న రాత్రి (ఆగస్టు 10) రామోజీ ఫిల్మ్ సిటీలో చేశారట. ఈ చిత్రం బృందం చెపుతున్న వివరాల ప్రకారం ఈ చిత్రంలో నైట్ సీన్స్ కొన్ని ఉన్నాయనీ... ఆ షాట్స్ ఈ షెడ్యూల్ లో చేశారని చెపుతున్నారు. దీంతో ఈ షెడ్యూల్ ముగిసినట్టే అని చెపుతున్నారు. ఇక నాలుగవ షెడ్యూల్ కోసం చిత్ర బృందం గుజరాత్ వెళ్ళ నున్నట్టు తెలుస్తోంది. అందాల చందమామ కాజల్ ఈ సినిమా హీరోయిన్ గా చేయడానికి గ్రీన్ సిగ్నల్ ఇచ్చిన విషయం తెలిసిందే. దేవీశ్రీ ప్రసాద్ సంగీతం అందిస్తుండగా, బాబీ దర్శకత్వం వహిస్తున్నాడు. శరత్ మరార్ ప్రొడ్యూసర్ గా వ్యవహరిస్తున్నాడు. ఈ చిత్రం షూటింగ్ డిసెంబర్ లో పూర్తి చేసుకుని 2016లో విడుదల చేయడానికి సిద్ధమవుతున్నారు.