ఆదర్శ చిత్రాలయ బ్యానర్ పై ఆదిపినిశెట్టి, నిక్కి గ్లార్ల్, మిథున్ చక్రవర్తి, నాజర్ ప్రధానపాత్రలుగా రూపొందుతోన్న చిత్రం ‘మలుపు’. సత్య ప్రభాస్ పినిశెట్టి దర్శకత్వంలో రవిరాజా పినిశెట్టి నిర్మించిన చిత్రమిది. ప్రసన్, ప్రవీణ్, శ్యామ్ సంగీతం అందించిన ఈ సినిమా ఆడియో థింక్ మ్యూజిక్ ద్వారా విడుదలైంది. దర్శకరత్న దాసరి నారాయణరావు బిగ్ సీడీని ఆవిష్కరించారు. కె.యస్.రామారావు మోషన్ పోస్టర్ ను విడుదల చేశారు. మా అధ్యక్షుడు రాజేంద్రప్రసాద్ థియేట్రికల్ ట్రైలర్ ను విడుదల చేశారు. అల్లు అరవింద్ ఆడియో సీడీలను విడుదల చేసి కోదండరామిరెడ్డికి అందజేశారు. రవిరాజా నిర్మాతగా, సత్యప్రభాస్ డెబ్యూ డైరెక్షనల్ మూవీగా వస్తోన్న ఈ సినిమా పెద్ద సక్సెస్ కావాలని దర్శకుడుగా 50 చిత్రాలకు పైగా డైరెక్షన్ చేసి దర్శకుడుగా సక్సెస్ అయిన రవిరాజా నిర్మాత కూడా పెద్ద సక్సెస్ కావాలని కార్యక్రమంలో పాల్గొన్న అతిథులు చిత్రయూనిట్ ను అభినందించారు. ఈ కార్యక్రమంలో హరీష్ శంకర్, శివాజీ రాజా, కె.ఎల్.నారాయణ, నిర్మాత వెంకటేశ్వరరావు, కొడాలి వెంకటేశ్వరరావు, ఏడిద శ్రీరాం, ప్రగతి తదితరులు పాల్గొని సినిమా పెద్ద సక్సెస్ కావాలన్నారు. ఈ చిత్రానికి సంగీతం: ప్రసన్, ప్రవీణ్, శ్యామ్, ఆర్ట్: అమరన్, సినిమాటోగ్రఫీ: షణ్ముగ సుందరం, ఎడిటింగ్: సాయి జోసెఫ్, నిర్మాత: రవిరాజా పినిశెట్టి, దర్శకత్వం: సత్యప్రభాస్ పినిశెట్టి.
.jpg)
