ఎట్టకేలకు ‘గోపాల గోపాల’ సినిమా సెన్సార్ కార్యక్రమాలు పూర్తి చేసుకుంది. ఇక విడుదల కావడమే తరువాయి. ఈ చిత్రానికి సెన్సార్ బోర్డు క్లీన్ ‘యూ' సర్టిఫికెట్ జారీ చేసింది. సో....కుటుంబ సమేతంగా చూసి ఆనందించదగ్గ సినిమా కావడంతో అభిమానుల్లో ఆనందం నెలకొంది. జనవరి 10న ‘గోపాల గోపాల' చిత్రాన్ని విడుదల చేసేందుకు ఏర్పాట్లు చేస్తున్నారు. విడుదల తేదీ ఖరారు కావడంతో ‘గోపాల గోపాల' మూవీకి సంబంధించిన అడ్వాన్స్ బుకింగ్ మొదలైంది. ప్రపంచ వ్యాప్తంగా ఈ సినిమాను భారీ ఎత్తున విడుదల చేస్తున్నారు. అమెరికాలో ప్రీమియర్ షోలు భారీ సంఖ్యలో వేస్తున్నారు. యూఎస్ వ్యాప్తంగా ఈ చిత్రం దాదాపు 100కుపైగా స్క్రీన్లలో విడుదలవుతోంది. గోపాల గోపాల బెనిఫిట్ షోలకు ఏర్పాట్లు ముమ్మరంగా సాగుతున్నాయి. హైదరాబాద్ లోని బ్రమరాంబ, మల్లికార్జున థియేటర్లలో బినిఫిట్ షో ప్లాన్ చేస్తున్నారు. టిక్కెట్లు కూడా అమ్మకానికి రెడీ అయ్యాయి. బ్రమరాంబ థియేటర్లో ఉదయం 5 గంటలకు, మల్లికార్జున థియేటర్లో ఉదయం 5.30 బెనిఫిట్ షో వేయబోతున్నారు. మూవీ టిక్కెట్లకు వేలలో ధర పలుకుతున్నట్టు వార్తలు కూడా వినిపిస్తున్నాయి.
.jpg)
