అవకాశాలు లేనప్పుడు దొరికిందాన్ని అందిపుచ్చుకోవడంలో కమల్ గారాలపట్టి, నటి శృతిహాసన్ ది అందెవేసిన చెయ్యి. కుర్రహీరోలతో వరుసబెట్టి సినిమాలు చేస్తున్న ఈ హీరోయిన్ గ్యాప్ లో పెద్ద హీరోలతో కూడా కానిచ్చేస్తుంది. రవితేజతో బలుపులో నటించిన ఈ భామ ఇప్పుడు మహేష్ తో కూడా స్క్రీన్ షేర్ చేసుకుంటుంది. ఇక లేటేస్ట్ అప్ డేట్ ఏంటంటే... ఇప్పుడు టాలీవుడ్ కింగ్ నాగ్ తో జతకట్టే ఛాన్స్ దక్కింది. వంశీపైడిపల్లి డైరక్షన్ లో కింగ్ నాగార్జున, తమిళ నటుడు కార్తీ హీరోలుగా ఓ మల్టీస్టారర్ చిత్రం తెరకెక్కనున్న విషయం తెలిసిందే. ఈ చిత్రంలో నాగ్ కు జోడిగా శృతిహాసన్ ను ఎంపిక చేసినట్లు సమాచారం. ముందుగా ఈ చిత్రానికి తమన్నాను హీరోయిన్ గా ఎంపికచేశారట. అయితే మిల్కీబ్యూటీ చిత్రాలు వచ్చినవి వచ్చినట్లుగా వరుసగా ఫ్లాప్ లు అవుతుండటంతో ఇప్పుడా గాలి శృతి వైపు మళ్లీందని సమాచారం. ఈ ఏడాది వంశీపైడిపల్లి డైరక్షన్ లో వచ్చిన ఎవడు చిత్రంలో శృతి చరణ్ కి జోడీగా నటించింది. దీంతో వంశీ డైరక్షన్ లో నటించే మరో అవకాశం శృతిహాసన్ కి దక్కనుంది. మరి మన్మథుడితో రొమాన్స్ కి శృతి ఓకే చెబుతుందంటారా?.
.jpg)
