సౌఖ్యం ఫస్ట్ ఆటకే ఫ్లాప్ టాకా?

మాచో మ్యాన్ గోఫిచంద్ కి ఓవైపు మాస్ తో పాటు ఫ్యామిలీ ఆడియన్స్ కి మంచి క్రేజ్ ఉంది. గతేడాది లౌక్యంతో వచ్చిన ఈ హంక్ హీరో ఈ ఏడాది మొదట్లో జిల్ అంటూ సందడి చేశాడు. కానీ, జిల్ అంతలా మెరవలేదు. దీంతో తనకి మొదటి హిట్ ఇచ్చిన రవికుమార్ చౌదరితో సౌఖ్యం అంటూ ప్రేక్షకుల ముందుక వచ్చాడు. “లౌక్యం” లాంటి పెద్ద హిట్ ఇచ్చిన భవ్య క్రియేషన్స్ బ్యాన్ర్ పై నిర్మాణం కావటంతో పాటు, రవికుమార్ చౌదరి దర్శకుడు కావటంతో అంచనాలు బాగానే పెరిగాయి. అయితే మొదటి ఆట తర్వాత వచ్చిన టాక్ సినిమా అట్టర్ ఫ్లాప్ అని తెలుస్తోంది.

                                        ఎలాంటి కథ లేకుందా సీన్ వెంట సీన్ పేర్చుకుంటూ పోవటంతో ప్రేక్షకులను తీవ్రంగా నిరాశ పరుస్తుందట. కోనవెంకట్ గోపీ మోహన్ శిష్యుడైన శ్రీధర్ సీపాన ఓ కథ లేకుండా కేవలం కామెడీ మీదనే సినిమాను రాసేసుకున్నాడట. దీంతో సినిమా స్క్రీన్ ప్లే మొత్తం అతుకుల బొంతగా ఉందట. గోపీచంద్ నటన, రెజీనా గ్లామర్ ఆకర్షణలుగా ఉన్నప్పటికీ కంటెంట్ మిస్సవ్వటంతో ప్రేక్షకులకు సినిమా ఏ మాత్రం రుచించదట. బోల్డెంత మంది కమెడియన్లు ఉన్నప్పటికీ ఎవరికీ కరెక్ట్ సీన్లు పడలేదని సమాచారం. స్పూఫ్ లు, అర్థం పర్థం లేని డాన్సులతోనే సినిమా కథ ఉన్నట్లు తెలుస్తోంది. వెరసి క్రిస్మస్ కి ఓ రోజు ముందుగా వచ్చి కలెక్షన్లు కుమ్మేద్దామనుకున్న గోపీచంద్ సౌఖ్యం మొదటి ఆటకే ఫ్లాప్ టాక్ తో ఢీలా పడిపోయినట్లే.