చరిత్ర సృష్టించబోతున్న నిత్యామీనన్!!

నిత్యామీనన్ గ్లామర్ డోస్ కి దూరంగా సెలక్టివ్ సినిమాలతో సక్సెస్ లు కొడుతూ సౌత్ అన్ని భాషల్లో దూసుకెళ్తున్న నటి. ఆమె చేస్తున్న సినిమా అంటే అందులో ఏదో ఉంటుందని ప్రేక్షకుల నమ్మకం. అందుకే యూత్ లో నిత్యకి ఎప్పుడు ప్రత్యేక స్థానమే. ఈ రింగుఒత్తుల సుందరి ఇప్పుడు రికార్డును సొంతం చేసుకోబోతుంది. మామూలుగా అయితే మన హీరోలకు ఇంట్రడక్షన్ సాంగ్ లు పెట్టి ఊదరగొడుతుంటారు మన దర్శకులు. హీరోకున్న కష్టాలు, అతను ఎలాంటోడో ఆ ఒక్క పాటలోనే చెప్పి పడేస్తుంటారు. అభిమానుల్ని అలరించడం కోసం ఆయా హీరోలకు బిల్డప్ ఇస్తూ ఈ ఇంట్రో సాంగులను డిజైన్ చేస్తుంటారు డైరక్టర్లు. అయితే, ఇప్పుడు ముద్దుగుమ్మ నిత్యా మీనన్ కు కూడా ఇలాంటి ఇంట్రడక్షన్ సాంగును పెడుతున్నారు.

                    కన్నడ స్టార్ సుదీప్ హీరోగా ప్రముఖ దర్శకుడు కెయస్ రవికుమార్ దర్శకత్వంలో ఓ ద్విభాషా చిత్రం తెరకెక్కిస్తున్నారు. తమిళంలో 'ముడింజ ఇవనై పుడి' తెరకెక్కుతతున్న ఈ చిత్రాన్ని ఏకకాలంలో కన్నడలో కూడా చిత్రీకరిస్తున్నారు.  ఇందులో నిత్యామీనన్ కథానాయికగా నటిస్తోంది. సినిమాలో ఆమె ఎంట్రీని గ్రాండుగా ఇవ్వాలన్న ఉద్దేశంతో దర్శకుడు ఆమెపై ఓ పరిచయగీతాన్ని పెట్టాడు. యువతను బాగా ఆకట్టుకునేలా చిత్రీకరించిన ఈ పాటలో పొట్టిపిల్ల చాలా గ్లామరస్ గా కనిపిస్తుందట. ఇన్నాళ్లు హీరోలకే పరిమితమైన ఇంట్రో సాంగ్ ను తన ఖాతాలో వేసుకుని నిత్య అరుదైన ఫీట్ ను సాధించబోతుంది.