అతిలోక సుందరి అదరచుంబనకు ఐదు కోట్లా?

నిజమే....! ఇంత వయసొచ్చినా... శ్రీదేవి అంటే పడి చచ్చేవాళ్ళున్నారు. ఇంత క్రేజ్ ఇండియన్ సినీ ఫీల్డ్ లో ఏ తారకూ రాలేదంటే అతిశయోక్తి కాదేమో... మొన్నటికి మొన్న ఓ చిట్చాట్ షోలో శ్రీదేవి అంటే రాం గోపాల్ వర్మకు ఎంతిష్టమో దాచుకోలేని అతని ఫేస్ ఫీలింగ్సే చెప్పేశాయి. అంతటి క్రేజ్ ఉన్న ఈ తారను సినిమాల్లో నటించమని ఎప్పటినుంచో పోరు పెడుతున్నా, ఆమె ఎందుకనో ఆఫర్లను తిరస్కరిస్తూ వచ్చింది. ఇప్పడు ఆమెను తన సినిమాలోకి తీసుకుని ఓ విజయం సాధించాడు తమిళ నటుడు విజయ్. ఇంతేనా ఇప్పుడు ఈ సినిమాలో శ్రీదేవికి ఓ లిప్ లాక్ సీన్ పెట్టారని వార్తలు వినిపిస్తున్నాయి. అది కన్నడ నటుడు సుదీప్ (ఈగ ఫేమ్) తో. ఇండియన్ సినిమా ఫీల్డ్ లో ఇంత కన్నా హాట్ న్యూస్ మరోటి లేదనే చెప్పవచ్చు. సెకండ్ ఇన్నింగ్స్ ఇంగ్లీష్ వింగ్లీష్ తరువాత నటిస్తున్న తమిళ సినిమా ‘పులి’ షూటింగ్ తో ఇప్పుడు శ్రీదేవి చాలా బిజీ బిజీగా ఉంది. ఇందులో హన్సికకు తల్లిగా నటిస్తోంది. మరో హీరోయిన్ గా శృతి హాసన్ నటిస్తోంది. ఇందులో శ్రీదేవి క్యారెక్టర్ మహారాణి కాగా, రాజుగా సుదీప్ చేస్తున్నారు. దీన్ని బట్టే ఇది ఒక సోసియో ఫాంటసీ సినిమా అని అర్థమవుతోంది. సీన్ పరంగా రాణిగారు రాజుగారికి ఓ ముద్దుపెట్టాలట. శ్రీదేవి ఈ సీన్ లో నటించడానికి అంగీకారం తెలిపినట్టు కూడా వార్తలు వచ్చాయి. ఇక పులి సినిమా ఏ భాషలోనూ డబ్ చేయకుండా డైరెక్ట్ తమిళం సినిమా రిలీజ్ చేసినా ఇండియా మొత్తంలో చూసి తీరతారనడంలో సందేహమేమైనా ఉంటుందంటారా?