శ్రీమంతుడు సినిమాను ఆగస్టు 7కు వాయిదా వేయడంపై పలు పుకార్లు ప్రచారంలోకి వస్తుండడంతో... దీనికి వెంటనే క్లారిటీ ఇచ్చాడు బాహుబలి నిర్మాత శోభు యార్లగడ్డ. బాహుబలి సినిమాను తట్టుకోలేకనే ఇలా శ్రీమంతుడును పోస్టు పోన్ చేశారనే ప్రచారం జరుగుతోంది. ఈ నేపథ్యంలో ‘బాహుబలి' నిర్మాత ఈ పుకార్లకు తెర దించుతూ ట్విట్టర్ ప్రకటన చేసారు. కొన్ని రోజుల క్రితం ‘శ్రీమంతుడు' నిర్మాతలను మాట్లాడామనీ, వీలయితే సినిమా వాయిదా వేయాలని కోరామనీ, మా విన్నపాన్ని వారు అర్థం చేసుకున్నారు కబట్టే సినిమా రిలీజ్ పోస్టు పోన్ చేశారన్నారు. ఈ సినిమాను వారి అభిమతంపై పోస్టు పోన్ చేయడాన్ని ఆయన ఇండస్ట్రీలో హెల్తీ రిలేషన్ షిప్ కొనసాగుతోందని చెప్పుకొచ్చారు. మహేష్ బాబుతో పాటు శ్రీమంతుడు నిర్మాతలకు, దర్శకుడికి ట్విట్టర్ లో థాంక్స్ చెప్పుకున్నారు.
శ్రీమంతుడు ఆడియోని జూలై 18న రిలీజ్ చేయనున్నట్లు ఈ చిత్ర టీం అధికారికంగా తెలియజేసింది. ఈ సినిమా చివరి షెడ్యూల్ షూటింగ్ హైదరాబాద్ లో జరుగుతోంది. శ్రీమంతుడు ఆడియో సోషల్ మీడియాలో లీకైందన్న వార్తకు ఈ చిత్రం నిర్మాతలు సోషల్ నెట్ వర్కింగ్ సైట్ ఫేస్ బుక్ ద్వారా వివరణ ఇచ్చారు. ఈ పాట మా సినిమాలో ది మాత్రం కాదన్నారు.
.jpg)
