చిరంజీవి చేతులమీదుగా మేనల్లుడి పాటల సందడి

చిరంజీవి బర్త్ డే సందర్భంగా మెగా హీరోల పాటలు, టీజర్లు, ఫస్ట్ లుక్ లు విడుదల కార్యక్రమాలను చిరు ఫాన్స్ మధ్య ఘనంగా జరుపుకున్నారు. ఒక సంవత్సరమైనా కాకముందే మూడో సినిమాతో రెడీ అయిన మెగా స్టార్ మేనల్లుడు సాయి ధరమ్ తేజ్ సుబ్రహ్మణ్యం ఫర్ సేల్ పాటల సందడి నిన్న (23.8.2015) అట్టహాసంగా జరిగింది. సాయిధరమ్‌ తేజ్‌, రెజీనా జంటగా హరీష్‌శంకర్‌ దర్శకత్వంలో తెరకెక్కిన ఈ సినిమాను దిల్‌రాజు నిర్మించారు. ఈ చిత్రానికి మిక్కీ జె.మేయర్‌ సంగీతం అందించారు. ఈ కార్యక్రమానికి ముఖ్య అతిథిగా చిరంజీవి హాజరై పాటల్ని ఆవిష్కరించారు. ఈ సందర్భంగా అభిమానులు 150వ సినిమా గురించి అడగ్గా...  ''ప్రేక్షకులతో చప్పట్లు కొట్టించే కథని తీసుకురండి. అలాంటి కథతో వచ్చినవాళ్లు ఎవరైనా నా 150వ సినిమాకి దర్శకుడు కావొచ్చు'' అన్నారు. అభిమానుల మధ్యకి వచ్చినప్పుడు మనసు ఆనందంతో ఉప్పొంగిపోతుంటుంది. ఇలాంటి అవకాశం ఎప్పుడొచ్చినా వదులుకోను’’ అన్నారు. ఈ సందర్భంగా దిల్ రాజు ‘‘మీతో సినిమా చేయాలని ఉంది. 150వ సినిమా తర్వాత తనకుఅవకాశం ఇవ్వ’’మని కోరాడు. అయితే చిరంజీవి దిల్ రాజును ఆనందంలో ముంచెత్తుతూ... ‘‘దిల్ రాజు తొందరపడి తనకో అవకాశమివ్వమని అడిగాడు. కానీ అతను అడక్కపోయి ఉంటే.. నేనే అడిగేవాణ్ని. తన బేనర్ లో నాతో సినిమా తీయమని. ఇప్పుడు నిజంగానే అడుగుతున్నా. దిల్ రాజు గారూ నాకో ఛాన్స్ ఇవ్వండి ప్లీజ్’’ అని ‘‘ఇప్పుడు ఇండస్ట్రీలో ఉన్న మించి బేనర్లతో పాటు శ్రీ వెంకటేశ్వర క్రియేషన్స్ బేనర్ కూడా మంచి ప్రతిభా పాటవాలు ఉన్న బేనర్. దిల్ రాజు అన్ని విధాలా ఆలోచించి సినిమా చేస్తా’’రని అన్నారు. దీంతో దిల్ రాజు ఉబ్బితబ్బిబ్బయిపోయారు అంతటి హీరో పొగుడుతుండడంతో...