ఏ సినిమా చిత్రబృందమైనా... సినిమా చేస్తున్నప్పుడు మా సినిమాలో అంతా కొత్త దనం చూపిస్తాం... కథ బాగుంది, పాటలు బాగున్నాయి.. కొత్త కాన్సెప్టు... తప్పకుండా జనాలకు నచ్చుతుంది... చివరిగా.... తప్పకుండా బ్లాక్ బస్టర్ అవుతుంది అంటూ ఊదర గొడతారు.
ఎప్పుడూ కొత్తగా ఏదో ప్రయత్నం చేద్దామనుకునే సుకుమార్ ఎన్టీఆర్ తో ఇప్పుడు ఓ సినిమా చేస్తున్నాడన్న విషయం అందరికీ తెలిసిందే. ఇప్పటికే ఎన్టీఆర్ లుక్ ను కొత్తగా మార్చేశాడు సుకుమార్... ఓకే... కొత్తగా కొత్తగా ఏదైనా చేస్తున్నాడేమో... అదీ... ఒకే కానీ... ‘ఈ చిత్రం బ్లాక్ బస్టర్ చేయాలని కాదు... ఏదో కొత్తగా చూపించాలని’ అంటూ కొత్త పబ్లిసిటీ చేసుకుంటున్నారిప్పుడు... దీనికి సంబంధించిన వివరాల్లోకి వెళితే, టాలీవుడ్ లో కొత్తగా ప్రయత్నించి సక్సెస్ మూవీలు ఇస్తున్న వారిలో సుకుమార్ ఒకరు. కొత్తదనం అంటే ఇష్టం అని ఏ స్టార్ హీరో అయినా చెప్పాడనుకో..ఇక ఆ హీరో సుకుమార్ చేతిలో పడి ఓ కొత్త లుక్స్ లోకనిపిస్తాడు. ప్రస్తుతం లండన్ లో సుకుమార్, జూనియల చిత్రం షూటింగ్ జరుపుకుంటుంది. ఎన్.టి.ఆర్ తన పెర్ఫార్మన్స్ తో సెట్స్ లో అందరినీ థ్రిల్ చేస్తున్నాడట, తను నమ్మిన పాత్ర కోసం ఎన్.టి.ఆర్ చూపిస్తున్న డెడికేషన్ మరియు ఆ పాత్రలో పూర్తిగా లీనమైపోయి మిస్టర్ పర్ఫెక్ట్ గా నటిస్తుండడం చూసి సుకుమార్ థ్రిల్ అవుతున్నాడట. అలాగే కథ కోసం, కథలోని యాక్టర్ క్యారెక్టర్ కోసం దర్శకుడిగా సుకుమార్ డెడికేషన్ కి ఎన్టీఆర్ సైతం ఆశ్చర్యపోతున్నాడట.... ఈ ఇద్దరూ చేస్తున్నది ఓ బ్లాక్ బస్టర్ కోసం కాదని చెప్పుకుంటున్నారట. కొత్తదనాన్ని టాలీవుడ్ కి అందించాలనే ఉద్ధేశంతో ఇద్దరూ కష్టపడుతున్నట్టు చెపుతున్నారు. చూడాలి... ఆ కొత్తదనమేమిటో?
.jpg)
