స్టైలిష్ సన్నాఫ్ అరవింద్ గారు కేరళ పయనమవుతున్నారు. ఆయనకు కేరళలోనూ అభిమాన సందోహం ఎక్కువే... అందుకే అక్కడ తన తండ్రి గురించి... ఆయన రుణం తీర్చుకోవడం గురించి తన అభిమానులకు చెప్పుకునేందుకు వెళుతున్నాడట. అయితే అల్లు అర్జున్ కి మలయాళ పరిశ్రమలో ఎంతమేర క్రేజ్ వుందో అందరికీ తెలిసిందే! తెలుగులో ఏ హీరోకూ లేనంత స్టార్‌డమ్ బన్నీకి మలయాళంలో వుంది. అక్కడ బన్నీకి ఇంత క్రేజ్ వుండటం వల్లే తెలుగు సినిమాలు మలయాళ భాషలో డబ్ చేసి రిలీజ్ చేస్తారు. ఇప్పటివరకు అక్కడ రిలీజైన బన్నీ సినిమాలన్నీ సూపర్ హిట్లుగా నిలిచాయి. ఇప్పుడు ఆ కోవలోనే S/O సత్యమూర్తి కూడా మళయాలంలో విడుదల కానుంది. ఇప్పటికే మలయాళ డబ్బింగ్ వెర్షన్ కార్యక్రమాలు పూర్తికాగా.. ఏప్రిల్ 24న భారీ ఎత్తున ఈ సినిమా రిలీజ్ అయ్యేందుకు సిద్ధంగా వుంది. ఈ నేపథ్యంలోనే బన్నీ ఈ మూవీ ప్రమోషన్ లో భాగంగా కేరళలోని అభిమానులను కలుసుకునేందుకు పయనమయ్యాడు. అక్కడ ఫ్యాన్స్‌ తో ప్రమోషన్ కార్యక్రమాల్లో పాల్గొని సినిమాకు మరింత ప్రచారం కల్పించే దిశగా అడుగులేస్తున్నాడు. ఇదే విషయాన్ని తన ట్విట్టర్ ఎకౌంట్‌లో ట్వీట్ చేస్తూ.. ‘కేరళలో అభిమానులను కలుసుకునేందుకు వెళ్ళడం తనకు చాలా ఆనందంగా ఉంది’ అంటూ ట్వీట్ చేశాడు. ఈ చిత్రం ఇప్పటికే తెలుగులో విజయవంతంగా నడుస్తోంది. ఇక కేరళ ప్రజలు ఎలా రిసీవ్ చేసుకుంటారో వేచి చూడాల్సిందే.
.jpg)
