సినిమాలోకి కమెడియన్ గా రంగ ప్రవేశం చేసి, ఆ తరువాత హీరోగా నిరూపించుకున్న సునీల్ ఈ మధ్య కాలంలో వెండితెరకు దూర మయ్యారనే చెప్పాలి. చిన్న పాత్రలో నయినా సరే, సునీల్ తెరమీద చూడాలని కోరుకునే అభిమానులు చాలా మందే ఉన్నారు. గతంలో హీరోలయిన కమెడియన్స్ చాలా మంది తిరిగి కమెడియన్లుగా సెటిలైపోయారు. కానీ సునీల్ హీరోగానే చేయాలని సంకల్పించారో ఏమో ఛాన్స్ లకు వెతుక్కోవాల్సి వస్తోందిప్పుడు. అయితే ఆయనకు ఓ మంచి చాన్స్ ఇచ్చేశారు. ‘ప్రేమకథా చిత్రం‘ నిర్మాత ఆర్‌. సుదర్శన్ రెడ్డి, ఆర్పీఏ క్రియోష‌న్స్ ప‌తాకంపై ఓ భారీ బ‌డ్జెట్ చిత్రాన్ని నిర్మించ‌నున్నారట. ఈ చిత్రానికి వంశీ కృష్ణ ఆకెళ్ళ దర్శకత్వం వహించనున్నారు. చిన్న చిత్రం ద్వారా చాలా పెద్ద పేరు గడిచించిన ప్రేమకథా చిత్రం లాంటి మరో బ్లాక్ బస్టర్ చిత్రాన్ని నిర్మించాలనే సంకల్పంతో ఉన్న నిర్మాత సుదర్శన్ రెడ్డికి ఆకెళ్ళ కథ బాగా నచ్చడంతో సునీల్ ను అప్రోచ్ అయ్యాడట. సునీల్ కు కూడా ఈ కథ బాగా నచ్చడంతో వెంటనే ఓకే చెప్పేసాడట. అయితే ప‌క్కా కమ‌ర్షియ‌ల్ యాక్షన్ ఎంటర్టైనర్ గా ఈ చిత్రాన్ని తీయబోతున్నట్టు తెలిపారు నిర్మాత సుదర్శన్ రెడ్డి, నటీనటులు, ఇతర సంకేతిక నిపుణుల ఎంపిక త్వరలో జరుపనున్నట్టు తెలిపారు.
.jpg)
