ఏ భాషలోనైనా మంచి కథతో ఓ సినిమా వచ్చిందంటే.... దాన్ని ఇతర భాషల్లోకి రీమేక్ చేసే రైట్స్ తీసుకోవడం సహజంగా జరుగుతుంటుంది. మొదట మలయాళంలో వచ్చిన దృశ్యం త్వర త్వరగా అన్ని భాషల్లోకీ రీ మేక్ అవుతోంది. తెలుగులో వెంకటేష్ తో తీసిన ఈ సినిమా మంచి సక్సెస్ అయ్యింది. ముఖ్యంగా రొటీన్ కథలతో విసుగెత్తిన జనాలకు ఇలాంటి సస్పెన్స్ తో సాగే కథలంటే జనాలకు చాలా క్రేజ్. ఇది కన్నడ, తమిళంలోకి కూడా రీ మేక్ అవుతోంది. ఇప్పుడు అజయ్ దేవగన్ చేసిన హిందీ సినిమా కూడా విడుదలకు సిద్ధమవుతోంది. తమిళంలో ‘పాపనాశం’ పేరుతో కమల్ హీరోగా తెరకెక్కుతోంది. ఈ చిత్రంలో కమల్ హాసన్, గౌతమి ప్రధాన పాత్రలలో నటిస్తున్నారు. త్వరలోనే ఈ చిత్రం కూడా ప్రేక్షకుల ముందుకు రానుంది. అజయ్ దేవగన్, శ్రియ సరన్ జంటగా నటిస్తున్న ఈ చిత్రం విడుదలకు సిద్ధమవుతోంది. ఒరిజనల్ వర్షెన్ లో నదియా నటించిన పోలీస్ ఆఫీసర్ పాత్రలో హిందీలో టబు నటిస్తోంది. తాజాగా ఈ చిత్ర థియేటర్ ట్రైలర్ ను విడుదల చేసారు. ఈ ట్రైలర్ చూస్తుంటే ఒరిజినల్ వర్షెన్ ను అచ్చం అలాగే దించేసినట్లుగా అనిపిస్తుంది. ఈ చిత్రాన్ని హిందీలో వయాకం 18 నిర్మిస్తున్నారు. నిషికాంత్ కమాత్ దర్శకత్వం వహిస్తున్నారు. జులై 31న ఈ చిత్రం విడుదల చేయడానికి ప్లాన్ చేస్తున్నారు. కథాంశం బాగుంటుంది కాబట్టి ఇది సక్సెస్ కాకపోవడమంటూ ఉండకపోవచ్చు. డెఫినెట్ గా హిందీలో కూడా సక్సెస్ సినిమానే అవుతుంది ‘దృశ్యం’.
.jpg)
