సూపర్ స్టార్ అల్లుడా మజాకా?

ఎవరి టాలెంట్ ఏమిటో నిరూపించుకుంటేగానీ తెలియదు కదా... వారిని దగ్గరగా చూసిన వారికి మాత్రం వారి గురించి ఇట్టే తెలిసిపోతుంది. అందుకే రజనీకాంత్ కూతురికి తెగ నచ్చి పెళ్లి పీటల వరకూ తీసుకువెళ్ళింది ధనుష్ ను. చూడగానే నచ్చేసే ఆజానుబాహుడు కాకపోవచ్చు కానీ, బుర్రలో సరుకుంది మరి. మన తెలుగు వాళ్లు, అటు బాలీవుడ్ ప్రేక్షకులు కూడా రజనీ అల్లుడా... ప్చ్... సూపర్ స్టార్ కు తగ్గట్టు లేడు అనుకున్నారు. హిందీలో రాంజ్ నా చేసేటప్పుడు కూడా అతన్ని ఎవరూ పట్టించుకోలేదు. ఆ సినిమా విడుదలయ్యాక తెలిసింది అతని టాలెంట్ ఏమిటో... ఈ సినిమా తరువాత రెండేళ్ళ గ్యాప్ తరువాత మరో సినిమాకు రెడీ అయ్యాడు ధనుష్. ఈ సారి అమితాబ్ వంటి లెజెండ్ తో కలిసి ‘షమితాబ్’ అనే సినిమాలో నటిస్తున్నాడు. చినీకమ్, పా లాంటి విభిన్న సినిమాలు తీసిన ఆర్.బల్కి ఈ చిత్రానికి దర్శకుడు. ఈ సినిమాకు సంబంధించిన పోస్టర్లు చాలా సంచలనం రేపుతున్నాయి. అమీతాబ్ గుబురు గడ్డంతో కనిపిస్తే, ధనుష్ డిఫరెంట్ డిఫరెంట్ స్టయిల్ లో గుర్తుపట్టడానికి కాస్త కష్టంగా ఉంది. ఈ సినిమా పాట ‘పిడ్లీ’ కూడా సెన్సేషన్ అయ్యింది. ఈ సినిమా ట్రైలర్ కూడా విడుదలైంది. ఇందులో ధనుష్ క్యారెక్టర్ చాలా డిఫరెంట్ గా అందరినీ ఆకట్టుకునే కనిపిస్తోంది. ఒక సాధారణ స్థాయి నుంచి ఇప్పుడు రజనీకాంత్ అల్లుడా మజాకా అనుకునే టాప్ రేంజ్ కు వెళ్ళిపోయేలా కనిపిస్తున్నాడు ధనుష్.