ఈ మధ్య సూపర్ స్టార్ ఫామిలీ సినిమాకు కూడా ప్లానింగ్ చేస్తున్నట్టు వార్తలు వచ్చాయి. అక్కినేని వారి ‘మనం’ సినిమాతో సినీ కుటుంబ సినిమాల ఆలోచన స్టార్ హీరోల మైండ్ లో తిరుగుతున్నట్టు వార్తలు వచ్చాయి. చెర్రీ పవన్ చిరులతో సినిమా చేయాలనే ప్లానింగ్ లో ఉన్నాడు. ఎన్టీఆర్ కళ్యాణ్ రామ్ ల వక్కంతం వంశీ సినిమా తీయబోతున్నట్టు వార్తలు వచ్చాయి.
సూపర్ స్టార్ కృష్ణ మళ్ళీ వారసులతో సినిమా చేస్తారనుకుంటే ఇప్పుడు ఓ సినిమాకు శ్రీకారం చుట్టినట్టు పోస్టర్ రిలీజ్ చేశారు. 350 సినిమాల్లో నటించిన కృష్ణ చాలా కాలం విశ్రాంతి తీసుకున్నారు. ఇప్పుడు మళ్ళీ ముఖానికి రంగు వేసుకున్నారు. అది కూడా గెస్ట్ రోల్ కోసం కాదు. హీరో పాత్ర కోసం. సూపర్ స్టార్ హీరోగా ‘శ్రీ శ్రీ’ పేరుతో సినిమా మొదలైంది. దసరా రోజు చడీ చప్పుడు లేకుండా ఈ సినిమాను మొదలుపెట్టేశారు. సీనియర్ దర్శకుడు ముప్పలనేని శివ ఈ సినిమాకు దర్వకత్వం వహిస్తుండటం విశేషం. సాయిదీప్ చాట్ల - బాలు రెడ్డి - షేక్ సిరాజ్ అనే ముగ్గురు నిర్మాతలు కలిసి ఈ సినిమాను నిర్మిస్తున్నారు. కృష్ణను ఎప్పుడూ చూడని సరికొత్త అవతారంలో చూడబోతున్నారు అభిమానులు. వయసుకు తగ్గ పాత్రలో ఫ్రెంచ్ గడ్డం పెట్టుకుని తనకు నప్పే హెయిర్ స్టయిల్ తో సరికొత్తగా కనిపిస్తున్నారు కృష్ణ. సూపర్ స్టార్ సరసన ఆయన భార్య విజయనిర్మల కీలక పాత్ర పోషిస్తోంది.
.jpg)
