మరో ప్రయోగానికి బ్రదర్స్ రెడీ

ఓవైపు కోలీవుడ్లో అగ్రకథానాయకులుగా చెలామణి కావటంతోపాటు, ఇటు తెలుగు ప్రేక్షకులకు కూడా సినిమాలతో దగ్గరయిపోయారు అన్నదమ్ములు సూర్య – కార్తీలు. మరోవైపు అడపాదడపా సోషల్ సర్వీస్ తోపాటు హుదూద్ సందర్భంగా కజిన్ జ్నాన్ వేల్ రాజాతో కలిసి వైజాగ్ కి 50 లక్షల విరాళం ప్రకటించి స్టార్ లు సైతం విస్తూ పోయేలా ఆశ్చర్యపరిచారీ బ్రదర్స్. ఇక సినిమాల పరంగా కూడా విభిన్నమైన .. విలక్షణమైన పాత్రలను ఎంచుకోవటం వీరి ప్రత్యేకత. జయాపజయాలకి అతీతంగా అదే మార్గంలో కొనసాగాలన్న సూపర్ స్టార్ రజనీకాంత్ సలహాతో తాము ముందుకెళ్తునామని వీరిద్దరు బహిరంగంగానే ప్రకటించారు. తాజాగా మరో ఆసక్తికర విషయం వీరిద్దరి అప్ కమింగ్ సినిమాలో చోటుచేసుకోవటం విశేషం.

                                     సూర్య ప్రస్తుతం విక్రమన్ దర్శకత్వంలో '24' లో నటిస్తుండగా, కార్తీ హర్రర్ థ్రిల్లర్ 'కాష్మోరా' లో బిజీగా ఉన్నాడు. ఈ రెండు సినిమాల్లో ఇద్దరూ మూడు పాత్రలను పోషించడం విశేషం. అంటే అటు '24' లో సూర్య .. ఇటు 'కాష్మోరా'లో కార్తీ త్రిపాత్రాభినయం చేస్తున్నారన్న మాట. సూర్య సరసన సమంతా .. నిత్యామీనన్ కథానాయికలుగా నటిస్తుండగా, కార్తీ జోడీగా నయనతార .. శ్రీ దివ్య కనిపించనున్నారు. ఇలా అన్నదమ్ములిద్దరూ మూడేసి పాత్రలను పోషిస్తూ .. ఇద్దరేసి కథానాయికలతో కనువిందు చేయనుండటం విశేషంగా చెప్పుకుంటున్నారు. రిజల్ట్ సంగతి ఇప్పుడే చెప్పలేం కానీ ప్రయోగాలకు మాత్రం వీరి జడుసుకోరనేది మాత్రం క్లియర్ గా తెలిసిపోతుంది. ఇవి రెండు 2016లోనే విడుదల కానున్నాయి.