అనుష్కకు వార్నింగ్ ఇచ్చిన టాప్ హీరో

సినిమాలను ప్రాణంగా పెట్టి నటించే నటి అనుష్కకు వార్నింగ్ ఇవ్వాల్సినంత అవసరం ఏ హీరోకి వచ్చిందనేగా మీ అనుమానం. ఆమెకు అల్టిమేటం జారీచేసింది ఎవరో కాదు తమిళ స్టార్ హీరో సూర్య. విషయమేంటంటే... వీరిద్దరి కాంబినేషన్లో వచ్చి అటు తెలుగు, ఇటు తమిళంలో ఘన విజయం సాధించిన సింగం సిరీస్ చిత్రాలు గుర్తున్నాయి కదా. అదేనండీ యముడు, సింగం-2లు. ఇక ఇప్పుడు త్వరలో సింగం-3 కూడా ప్రారంభం కాబోతుంది. అయితే కథా రీత్యా మరోసారి అనుష్క సూర్యకి జోడిగా నటించబోతుందట. సినిమా షూటింగ్ డిసెంబర్ నుంచి ప్రారంభం కాబోతుందని సమాచారం.

ప్రస్తుతం అనుష్క సైజ్ జీరో కోసం భారీగా పెరిగింది. ఆ తర్వాత తగ్గటానికి తంటాలు పడుతోంది. ఈ సమయంలో ఈ అమ్మడికి సూర్య గట్టిగా కండిషన్ పెట్టాడంట. గతంలో మాదిరిగా స్లిమ్ గా మారితేనే సినిమాలో తీసుకుంటామని తేల్చి చెప్పాడట. అంతేకాదు ఒకవేళ అప్పట్లోగా అనుష్క తగ్గకపోతే మరో హీరోయిన్ గా చాన్స్ దక్కించుకున్న శృతీహాసన్ తోనే సినిమా మొత్తం లాగించే విధంగా కూడా కథ సిద్ధం చేయాలని దర్శకుడు హరికి సూర్య సూచించాడట. దీంతో ఎలాగైనా సరే బరువు తగ్గించుకోవాలని అనుష్క తెగ కష్టపడుతుందట. అవసరమయితే అమెరికా వెళ్లి లైఫో సక్షన్ చేయించుకునేందుకు కూడా ఆమె సిద్ధంగా ఉందని తెలుస్తోంది.  ఈ నెలరోజుల్లో గనక ఆమె మునుపటి స్థితికి రాకపోతే మాత్రం సింగం 3 లో అనుష్క కనిపించేది అనుమానమే మరి. చూస్తుంటే అనుష్కకు సూర్య పెద్ద సవాలే విసిరాడే.