ఆర్య బిర్యానీ టేస్ట్ చూడని అమ్మడు...

తమిళ హీరోల్లో అమ్మాయి రాకుమారుడు ఆర్య అనే చెప్పుకోవాలి. ఇక్కడ ఆయన సినిమాలు హిట్టయినా, ఫ్లాపయినా పట్టించుకోరట అమ్మాయిలు. తమిళ నాట క్రేజీ హీరో అంటే ఆర్యానే. అమ్మాయిలు ఎవరైనా సెన్సాఫ్ హ్యుమర్ ను ఇష్టపడతారు. ఇతగాడికేమో సెన్సాఫ్ హ్యూమర్ తో పాటు అందం కూడా ఎక్కువే కదా... మరి అమ్మాయిలను పడగొట్టడం ఇతడికి తేలికే... ఇవి రెండూ చాలవన్నట్టు అతను పెట్టే బిర్యానీ అన్నా పడి చచ్చిపోతారట ఆర్య తోటి నటీనటులు. అప్పుడప్పుడు షూటింగులకు ఆయన స్వయంగా చేసిన బిర్యానీ వడ్డించి అందరినీ తృప్తిపరుస్తుంటాడట. ఇప్పటి వరకు చాలా మంది హీరోయిన్లు ఆర్య బిర్యానీకి ఫిదా అయిపోయారు. ఆ బిర్యానీలో ఇంగ్రీడియన్స్ ఏమిటో ఎవరికీ తెలియదు... గానీ దాని రుచి ఉంది చూశారూ... ఏ స్టార్ హోటళ్ళూ పనికి రావట.  అయితే అందరు హీరోయిన్లకు దక్కిన అదృష్టం తమన్నకు మాత్రం దక్కలేదట. ఈ బిర్యానీని తమన్నా మాత్రం ఇంకా రుచి చూడలేదట. తమన్నా ప్రస్తుతం ఆర్యతో కలిసి ‘వాసువుం సరవననుం ఒన్న పడిచ్చవంగ’ అనే చిత్రంలో నటిస్తోంది. అయితే ఈ చిత్ర షూటింగ్ సమయంలో అందరూ కూడా ఆర్య బిర్యానీ గురించే అడుగుతున్నారట. చిత్రం విడుదలకు సిద్ధమైంది కానీ తమన్న బిర్యానీ మాత్రం టేస్టు చూడలేదు. ఆర్య ఎందుకని తమన్న బాధ అర్థం చేసుకోడం లేదు. తమన్నా ఈ షూటింగ్ మొదట్లో కూడా ఇదే విషయాన్ని అందరితో చెప్పి వాపోయింది. మరి షూటింగ్ ముగిసినా ఆయన బిర్యానీ టేస్ట్ చూసే అదృష్టం తమన్నకు కలగలేదు పాపం.