ఎప్పుడేప్పుడా అని నందమూరి అభిమానులు ఎదురుచూస్తున్న టెంపర్ ఆడియో మరియు విడుదల తేదీలు ఖరారైనట్లుగా సమాచారం అందింది. సోదరుడు నందమూరి జానకీరాం మ్రుతితో కొన్నిరోజులు షూటింగ్ వాయిదా పడిన విషయం తెలిసిందే. మరోవైపు సంక్రాంతికి సినిమా వస్తుందేమోనన్న అభిమానులు కూడా ఆ ఊపును తగ్గించుకోకుండా చిత్రం కోసం ఎదురుచూస్తున్నారు. ఎన్టీఆర్ వర్థంతి సందర్భంగా ఈ చిత్ర ఆడియోను విడుదల చేస్తారనే వార్త వచ్చినప్పటికీ ఎందుకనో వాయిదా వేశారు. తాజా సమాచారం ప్రకారం చిత్ర ఆడియోను జనవరి 26న శిల్పాకళా వేదికలో గ్రాండ్ గా విడుదల చేయబోతున్నారని సమాచారం. ఇకపోతే చిత్రాన్ని మాత్రం ముందుగా అనుకున్నట్లు ఫిబ్రవరి 5న కాకుండా, 13 న రిలీజ్ చేయాలని నిర్మాత బండ్ల గణేష్ భావిస్తున్నాడట. అంతేకాదు ఇందుకు సంబంధించి థియేటర్ల సేకరణ ను కూడా ప్రారంభించాడట. ఈ చిత్రంతో ఎన్టీఆర్ టాలీవుడ్ బాక్సాఫీసుపై దండయాత్ర చేస్తాడని, కెరీర్ లోనే బ్లాక్ బస్టర్ అందుకుంటాడని నమ్మకంగా చెబుతున్నాడు నిర్మాత బండ్ల గణేష్.
.jpg)
