ఈ రోజు చాలా ప్రత్యేకమైన రోజుగా కనిపిస్తోంది. టాలీవుడ్ లో మరీ ప్రత్యేకమైన రోజుగా చెప్పుకోవచ్చు. ఎందుకంటే ఈ రోజు పుట్టిన రోజులు జరుపుకునే వాళ్ళలో మొదటి వారు రాజమౌళి అయితే, సీనియర్ హాస్య నటుడు అలీ పుట్టిన రోజు కూడా ఈ రోజే అంతే కాదు... నిన్న మొన్ననే తెలుగు ఇండస్ట్రీలో ఎంటరై టాప్ హీరోయిన్ స్థాయికి ఎదిగిన రకుల్ ప్రీత్ సింగ్ పుట్టిన రోజు కూడా ఈ రోజే.... ఇక హాట్ బ్యూటీల్లో బుజ్జిగాడు బేబి సంజన పుట్టిందీ ఈ రోజేనట. అయితే రకుల్ ప్రీత్ సింగ్ మాత్రం పుట్టిన రోజు వేడుకలంటూ ఏమీ చేసుకోకుండా బ్రూస్ లీ ప్రమోషన్ లో పాల్గొంటోంది. ఈ అమ్మడికి ఇంతకుముందు ఎప్పుడూ లేనంతగా సినీ సెలబ్రిటీల నుంచి శుభాకాంక్షలు అందుకుందట.
ఇక వీళ్ళందరికంటే ప్రత్యేక మైన వ్యక్తి మన సౌత్ నుండి వెళ్ళి బాలీవుడ్ లో టాప్ స్థాయి హీరోయిన్ గా ఎదిగిన సీనియర్ నటి రేఖ పుట్టిన రోజు కూడా ఈ రోజే. అంటే అక్టోబర్ 10 సినీ కళాకారుల పండుగ దినమన్న మాట. ఇంతమంది కళాకారులూ ఒకే రోజు జన్మించిన ఈ రోజు అందరికీ పేరు పేరునా పుట్టిన రోజు శుభాకాంక్షలు అందిస్తోంది నీహార్ ఆన్ లైన్.
.jpg)
