.jpg)
ప్రపంచ మంతా సెన్సేషన్ క్రియేట్ చేసిన బాహుబలి నేటితో 50 రోజులు పూర్తి చేసుకుంది. రాజమౌళి దర్శకత్వంలో దాదాపు రెండేళ్ళు ఈ చిత్రం కోసం చిత్ర యూనిట్ అంతా చాలా కష్టపడింది. దాని ఫలితం ఇందులో పాత్రులైన ప్రతి వారికీ దక్కింది. ఒక్క తెలుగులోనే కాక తమిళం, మళయాలం, హిందీ ఇలా విడుదలైన అన్నిచోట్లా ఈ సినిమా రికార్డులతో అదరగొట్టింది. ఈ సందర్భంగా బాహుబలి బృందం ఓ ట్రైలర్ ని విడుదల చేసింది. 50 రోజుల్లో ప్రపంచ స్థాయిలో అన్ని భాషలకూ కలిపి 600 కోట్ల కు పైగా రాబట్టుకుంది. ఈ చిత్రం పై ప్రపంచ వ్యాప్తంగా ఎన్నో కథనాలు రాశాయి. ఈ చిత్రం రెండో భాగం కోసం అందరూ ఎదురు చూస్తున్నారు. రెండు పార్టులూ కలుపుకొని రూ. 250 కోట్ల ఖర్చుతో తీస్తున్నారు. ప్రస్తుతం విడుదలైంది తొలి భాగమైన ‘బాహుబలి-ది బిగినింగ్'. రెండో భాగం 2016లో ప్రేక్షకుల ముందుకు రాబోతోంది. ఆర్కా మీడియా వారు భారీ బడ్జెట్ తో తెరకెక్కించిన ఈ సినిమాకి ఎంఎం కీరవాణి సంగీతం అందించాడు.
.jpg)
