మరో పక్షం రోజుల్లో 2014 ముగియబోతోంది. రెండు మూడు బడా హిట్లు తప్ప ఈ యేడాది పెద్దగా చెప్పుకోడానికి ఏం లేదు. నటసింహం బాలకృష్ణ హీరోగా లెజెండ్ లాంటి పవర్ ఫుల్ బ్లాక్ బస్టర్ చిత్రంతో ఈ ఏడాది టాలీవుడ్ జర్నీ మొదలైంది. ఇప్పటిదాకా దాదాపు 180 స్ట్రెయిట్ తెలుగు చిత్రాలు జనాలను పలకరించాయి. ఇక ముగింపును మాత్రం మాంచి రొమాంటిక్ కమ్ కామెడీ లవ్ స్టోరీలతో ముగించాలని తాపత్రయపడుతోంది. ఈ వరుసలో మూడు చిత్రాలు ఇప్పుడు మీ ముందు ఉన్నాయి. అందులో మొదటిది నితిన్ చిన్నదాన నీకోసం. ప్రేమకథ చిత్రాల స్పెషలిస్ట్ కరుణాకరణ్ దర్శకత్వంలో ఈ చిత్రం తెరకెక్కింది. బాలీవుడ్ చిన్నది మిస్తి చక్రవర్తి ఈ చిత్రంతో టాలీవుడ్ లో అడుగుపెట్టబోతుంది. ఎందుకంటే ప్రేమంట వంటి డిజాస్టర్ చిత్రం తర్వాత కరుణాకరణ్ వరుస సక్సెస్ లతో ఊపు ఉన్న నితిన్ వంటి ఎనర్జిక్ హీరోతో ఎలాంటి మ్యాజిక్ చేసి చూపుతాడో ఈ శుక్రవారమే తెలుస్తోంది. ఇక ఈ జాబితాలో రెండోది మెగాబ్రదర్ నాగబాబు తనయుడు వరుణ్ తేజ్, ఫ్యామిలీ చిత్రాల దర్శకుడు శ్రీకాంత్ అడ్డాల కాంబినేషన్లో రాబోతున్న ముకుంద. మిక్కి.జే.మేయర్ సంగీతం అందించిన ఈ చిత్ర పాటలు అల్రెడీ వైరస్ లాగా జనాల్లోకి ఎక్కేశాయి. ఇక ఈ చిత్ర టీజర్, ట్రైలర్ లలో ఇది గ్రామం నేపథ్యంలో ఉండే ప్రేమ, యాక్షన్ మేళవితమైన సినిమా అని తెలిసిపోతుంది. ఇక ఈ జాబితాలో చివరి చిత్రం శర్వానంద్ నటించిన మళ్లీ మళ్లీ ఇది రాని రోజు. ఓనమాలు ఫేం క్రాంతిమాధవ్ దర్శకత్వంలో తెరకెక్కుతున్న ఈ చిత్రంలో శర్వానంద్ పక్కన సెలక్టివ్ చిత్రాలలో చేసే పొట్టిపిల్ల నిత్యమీనన్ హీరోయిన్ గా నటిస్తోంది. రన్ రాజా రన్ చిత్ర సక్సెస్ తో ఉన్న శర్వానంద్ ఇందులో రన్నర్ గా నిత్యామీనన్ ఓ ముస్లిం అమ్మాయి క్యారెక్టర్లో నటించేయడం, ఇటీవల విడుదలయిన ఈ చిత్ర ట్రైలర్ లో దర్శకుడు చూపిన ప్రేమకథలోని ఫ్రెష్ నెస్ తో ఈ చిత్రంపై అంచనాలు పెంచాయి. ఇక ఈ మూడు చిత్రాల ఆడియోలు కూడా ఈ మధ్యే విడుదలయి జనాల చెవుళ్లోకి బాగానే ఎక్కాయి. చూడాలి మరి ఏ ప్రేమకథ ప్రేక్షకుల మనస్సుకు బాగా కనెక్ట్ అవుతుందో?
.jpg)
