నేపాల్ లో ‘‘ఎటకారం’’ తెలుగు చిత్ర యూనిట్ చిక్కుకున్న సంగతి తెలిసిందే. వారిని రక్షించేందుకు ప్రభుత్వం చేసిన ప్రయత్నాలు ఫలిస్తున్నాయని సమాచారం అందే లోపు ఓ దురదృష్టకరమైన వార్త ఇప్పుడు తెలిసింది. ఈ చిత్రంలో నటిస్తున్న యువనటుడు విజయ్(25) మరణించినట్లు సమాచారం అందింది. భూకంపంలో ఈ చిత్ర బృందం చిక్కుకుపోయిన తర్వాత వారంతా క్షేమంగానే ఉన్నారన్న సమాచారం అందింది. అయితే యూనిట్ బృందం ఖాట్మండు నుంచి కారులో తిరిగి వస్తుండగా దురదృష్టం వెంటాడింది. మరోసారి వచ్చిన భూకంపంతో కారు అదుపుతప్పి పడిపోయింది. ఈ ప్రమాదంలో చిత్ర యూనిట్ కు గాయాలయ్యాయి. వెంటనే వారిని ఆస్పత్రిలో చేర్పించగా నటుడు విజయ్ చికిత్స పొందుతూ మృతిచెందినట్లు తెలిసింది. విజయ్ స్వస్థలం గుంటూరు జిల్లా బాపట్ల. ఇతను నటుడే కాదు మంచి డాన్సర్ కూడా. అతని మృతదేహాన్ని స్వస్థలానికి తరలించేందుకు ప్రయత్నాలు ప్రారంభించారు.
.jpg)
