హీరోలు 50 చిత్రాల, 100 చిత్రాల క్లబ్ లో చేరుకోవడం సాధారణ విషయం... ఇప్పుడు వీరి హవా కూడా సీనియర్ నటులతో పోల్చితే తగ్గిపోయిందనే చెప్పాలి. మరి హీరోయిన్లు వీరికి పోటీ రాగలరా పెళ్ళయిన హీరోనూ, పెళ్ళయిన హీరోయిన్ నూ ఒకేలా చూడదు మన సినిమా ఇండస్ట్రీ... ఇప్పటి హీరోయిన్ 50 చిత్రాలకు చేరువయ్యిందంటే చాలా గొప్ప అనుకోవాలి. ఆ ఫీట్ ను దాటేసిన హీరోయిన్ త్రిష. తెలుగు, తమిళ ప్రేక్షకులను తన నటనతో అలరించిన త్రిష తను 50 చిత్రాలు పూర్తి చేయబోతుందన్న ఆనందంలో ఉంది. తను నటిగా ఇండస్ట్రీలో 15 ఏళ్ళుగా కొనసాగుతూ వస్తోంది. తెలుగు, తమిళంలో అందరు అగ్ర నాయకుల సరసన నటించి సక్సెస్ జాబితాను తన కెరీర్ లో పదిలపరచుకుంది. ఇప్పటి కథానాయికలు ఓ పది సినిమాలు చేస్తే ఇంటికి పంపించేస్తారు. కానీ ఈ తరంలో కూడా 50 చిత్రాలు పూర్తి చేసిందంటే త్రిష చాలా ప్లాన్డ్ గా ఉన్నట్టే లెక్క. ఇప్పుడు ఆమె తెలుగు, తమిళ చిత్రాలు అర డజను పైగా నటిస్తోంది. మరి 50వ చిత్రంగా ఏ సినిమా విడుదలవుతుందో వేచి చూడాల్సిందే.
.jpg)
