త్రిష ఆనందంతో పొంగిపోతోంది... సంతోషంతో ఉక్కిరిబిక్కిరైపోతోంది. యాభై చిత్రాలతో సౌత్ లో సీనియర్ నాయకిగా అగ్రతాంబూలం అందుకుంటున్న ఆమె ఆనందానికి కారమేంటి అసలు. అందుకు కారణం ఆమె తాజా చిత్రం 'తుంగవనం' సక్సెస్ టాక్ తెచ్చుకోవడమే. కమలహాసన్ కథానాయకుడిగా రూపొందిన ఈ చిత్రంలో త్రిష నాయికగా నటించింది. తమిళ్లో విడుదలైన ఈ సినిమా అక్కడి ప్రేక్షకులను మెప్పించి మంచి కలెక్షన్లతో రన్ అవుతుంది. ఇందులో త్రిష పోలీసాఫీసర్ పాత్రలో అలరించింది. చాలా రోజుల తర్వాత ఓ మంచి క్యారెక్టర్ చేసిందని విమర్శకులు సైతం ఆమెపై ప్రశంసలు కురిపించారు. దీంతో తెగ హ్యాపీ అవుతోంది.
ఇక ఈ సినిమాను ఆదరిస్తోన్న ప్రేక్షకులకు ఆమె ట్విట్టర్ ద్వారా కృతజ్ఞతలు తెలియజేసింది. మొదటి నుంచి కూడా తన వెన్నంటి వుంటూ తన సినిమాలను ఆదరిస్తూ .. తనని ప్రోత్సాహిస్తోన్న ప్రేక్షకులకు ఆమె ధన్యవాదాలు తెలియజేసింది. ప్రస్తుతం తాను చేస్తోన్న 'నాయకి' సినిమా కూడా విభిన్నంగా ఉంటుందనీ, దెయ్యం గెటప్ లో తాను ఈ సినిమాలో కనిపిస్తానని చెప్పింది. ఆ సినిమా కూడా అందరినీ ఆకట్టుకుంటుందనే నమ్మకం ఉందని ఆశాభావాన్ని వ్యక్తం చేసింది. ఇక ఇదే సినిమా తెలుగులో ఈ నెల 20న 'చీకటి రాజ్యం' పేరుతో త్వరలో ప్రేక్షకుల ముందుకు రానుంది.
.jpg)
