మంచి అభిరుచిగల నిర్మాతగా పేరుపొందిన సాయి కొర్రపాటి తన సొంత బేనర్ వారాహి చలనచిత్ర నిర్మాణ సంస్థపై ‘తుంగభ్రద’ అనే మరో చిత్రం తెరమీదకు తెస్తున్నారు. ఈగ, అందాల రాక్షసి, లెజెండ్, ఊహలు గుసగుసలాడే వంటి చిత్రాలను నిర్మించిన ఈ నిర్మాత కేవలం పెద్ద సినిమాలకు మాత్రమే పరిమితం కాకుండా అప్పుడప్పుడూ చిన్న బడ్జెట్ సినిమాలు కూడా తీస్తూ స్టార్ ప్రొడ్యూసర్ అనే పేరు తెచ్చుకున్నాడు. తుంగ భద్ర సినిమాకు శ్రీనివాసకృష్ణ గోగినేని దర్శకుడిగా పరిచయం అవుతున్నారు. ఆదిత్, డింపుల్ హీరో హీరోయిన్లుగా నటిస్తున్నారు. విలేజ్ బ్యాక్ డ్రాప్ లవ్ స్టోరీగా తెరకెక్కిన ఈ చిత్రానికి హరి గౌర సంగీతాన్ని అందిస్తున్నారు. అయితే ఈ చిత్ర ఆడియోను ఫిబ్రవరి 17న హైదరాబాద్లో అట్టహాసంగా విడుదల చేయడానికి సిద్ధమవుతున్నారు. ఈ కార్యక్రమంలో సినీ పరిశ్ర్రమకి చెందిన పలువురు ప్రముఖులు పాలుపంచుకోనున్నారు. ఈ చిత్రంలో కోటశ్రీనివాసరావు, సత్యరాజ్, చలపతిరావు, సప్తగిరి, కోటశంకరరావు, పవిత్రా లోకేష్, రాజేశ్వరి నాయర్, ధనరాజ్, నవీన్ నేని, రవివర్మ, జబర్ దస్త్ శ్రీను, చరణ్, శశాంక్, కల్పలత, శ్రీనివాస్ ఇతర తారాగణంగా నటిస్తున్నారు.
.jpg)
